Qazaqstan men Aýǵanstan Áskerı yntymaqtastyq týraly ekijaqty kelisimge qol qoıdy
Qazaqstannyń Qorǵanys mınıstri, general-leıtenant Nurlan Ermekbaev pen Aýǵanstan Prezıdentiniń Ulttyq qaýipsizdik jónindegi keńesshisi Hamdýlla Mohıb kezdesti, dep habarlady Almaty-akshamy.kz. QR Qorǵanys mınıstrliginiń taratqan habaryna silteme jasap.
Kezdesýde Aýǵanstan tóńiregindegi ahýal jónindegi máseleler talqylandy. General-leıtenant Nurlan Ermekbaev elimiz Aýǵanstandaǵy respýblıkalyq demokratıalyq júıeniń saqtalýyn qoldaıtynyn atap ótti. Mınıstr shetel áskerleriniń shyǵarylýy eldegi jaǵdaıdy turaqtandyrýǵa negiz bolady, sondaı-aq qaqtyǵysýshy taraptardyń kelispeýshilikterin joıý úshin ymyraly sheshimder tabylady degen úmitin bildirdi.
Kezdesý sońynda Qazaqstan Respýblıkasynyń Úkimeti men Aýǵanstan Islam Respýblıkasynyń Úkimeti arasyndaǵy Áskerı yntymaqtastyq týraly ekijaqty kelisimge qol qoıyldy.
Atalmysh qujat 2017 jylǵy shilde aıynda Aýǵanstan Islam Respýblıkasy Prezıdentiniń Ulttyq qaýipsizdik jónindegi keńesshisi Mohammad Atmardyń Qazaqstan Respýblıkasyna sapary barysynda jasalǵan kelisimi negizinde ázirlendi.