Qazaqstan men Armenıa arasynda tikeleı áýe reısterin ashý máselesi qaıta kóterilip jatyr. Bul týraly vıse-premer – ulttyq ekonomıka mınıstri Serik Jumanǵarın málimdedi, dep habarlaıdy Aqshamnews.kz tilshisi.
Onyń aıtýynsha, bir kezderi Armenıamen tikeleı áýe qatynasy bolǵan, alaıda qazir ýaqytsha toqtap tur.
«Óıtkeni Erevan áýejaıynda qyzmet kórsetý tarıfi óte qymbat. Qazir bir adamǵa 65 dollar, al bir tonna áýe kerosıni 1248 dollarǵa jetedi. Búgingi tańda muny sýbsıdıalaý máselesi qaralyp jatyr», - dedi Jumanǵarın Aqorda kýlýarynda.
Qazaqstandyq Scat, Fly Arystan kompanıalary áýe reısterin ashýǵa daıyn, deıdi vıse-premer.
Esterińizge salaıyq, 20 qarasha kúni Armenıa premer-mınıstri Nıkol Pashınán Qazaqstanǵa resmı saparmen keldi. Búgin Aqordada mártebeli meımandy saltanatty túrde qarsy alý rásimi ótti.