Qazaqstannyń grek-rım, erkin jáne áıelder kúresi federasıasynyń jańa prezıdenti bolyp Erkin Oqasov saılandy, dep habarlaıdy aqshamnews.kz
"Kúrestiń týyn túsirmeı, qazaq sportyn álemge asqaqtata berý úshin bar kúsh-jigerimdi salamyn. Senim bildirgen barsha janǵa alǵys aıta otyryp, ózderińizdiń qoldaýlaryńyz arqyly talaı belesti birge baǵyndyramyz dep senemin!", - dedi Erkin Oqasov.
Erkin Oqasov — Batys Qazaqstan oblysynyń týmasy. Ol — kásipker, "VD Stroı-Injınırıng" JSHS baqylaý keńesiniń tóraǵasy. Buǵan deıin Qazaq kuresi qaýymdastyǵynyń vıse-prezıdenti qyzmetin atqarǵan.