2025 jyldyń alǵashqy jeti aıynda Qazaqstan Irannan 1,6 myń tonna sary maı ımporttady.
Bul ótken jylmen salystyrǵanda 64%-ǵa kóp, - dep habarlaıdy Aqshamnews.kz.
Aqshalaı kórsetkish boıynsha ósim 91%-dy qurap, $8,4 mln deńgeıine jetti. Bul málimetti QR UEM Statısıka komıtetiniń BNS ASPıR bólimi usyndy.
Bul - Irannan qańtar-shilde aılaryndaǵy sary maı jetkizilimi boıynsha tarıhı rekord. Aıta ketý kerek, Iran Qazaqstanǵa sary maı eksporttaı bastaǵanyna nebári tórt jyl ǵana boldy. Iran - qazir Qazaqstandaǵy eń iri sheteldik sary maı jetkizýshi. Onyń naryqtaǵy úlesi 41%-ǵa jetip, bir jyl ishinde 9 paıyzdyq tarmaqqa artqan. Sarapshylardyń paıymynsha, ırandyq maı iri sýpermarketterde keń taralmaǵanymen, kóterme satyp alýshylar úshin qoljetimdi, ıaǵnı HoReCa jáne óńdeýshi kásiporyndarǵa baǵyttalýy múmkin.