QR halyqaralyq astyq naryqtaryndaǵy óz pozıtsıyasyn nyǵaıtudy jalǵastyruda.
QTJ derekterí boıynsha 2024 jyldyń qorytyndysy boıynsha 10,6 mln tonna astyq tasymaldandy, onyń íshínde eksport 8,1 mln tonnany qūrady, dep habarlaıdy aqshamnews.kz.
Eksporttyq baǵyttardyń íshínde: Ózbekstan (3,3 mln tonna), Qytaı (1,7 mln tonna). Tájíkstanǵa 1,2 mln tonna astyq jetkízíldí, būl 2023 jylmen salystyrǵanda 20% - ǵa artyq. Qyrǵyzstanǵa 140 myń tonna astyq eksporttaldy, būl 2023 jylǵy kórsetkíshten 1,9 ese kóp.
Iran men Ázírbaıjan naryqtary qalpyna keltíríldí. Iranǵa astyq jetkízu kólemí 2 esege (526 myń tonna), Ázírbaıjanǵa - 1,8 esege (211 myń tonna) óstí.
2024 jyldyń qyrkúıegínen jeltoqsanyna deıín 5 mln tonna jańa astyq tasymaldandy, būl 2023 jyldyń sáıkes kezeńínen 50% - ǵa artyq. Eksport kólemí 57% - ǵa ósíp, 3,9 mln tonnany qūrady.
Onyń íshínde Ózbekstanǵa 1.5 mln tonna (ósím 45%), Tájíkstanǵa - 633 myń tonna (57%), Auǵanstanǵa - 190 myń tonna (51%), Qytaıǵa - 592 myń tonna (2%) eksporttaldy.
Iranǵa jetkízílím 30 ese artyp, 455 myń tonnany qūrady, Ázírbaıjanǵa 188 myń tonna eksporttaldy (2023 jyldyń qyrkúıek-jeltoqsanynda jetkízílím bolǵan joq).