Qazaqstan Halyq Keńesí múshelerí Kaspıı teńízíníń jaǵalauynda qaza tapqan áskerı qyzmetshílerdíń otbasylaryna kómek kórsetuge 815 mln teńge jūmsauǵa daıyn, – dep habarlaıdy aqshamnews.kz tílshísí.
Qaıyrymdylyq bastamasyna elímízdíń óńírleríníń bıznes ókílderí bolyp tabylatyn Keńestíń 17 múshesí qosyldy. Qazaqstan Halyq Keńesí Hatshylyǵynyń habarlauynsha, qarajat tíkeleı qaza tapqandardyń otbasylaryna beríletín bolady.
Allur Group dırektorlar keńesíníń tóraǵasy Andreı Lavrentev pen Integra Construction KZ bas dırektory Shahmurat Mutalıp qaza tapqan áskerı qyzmetshílerdíń árbír otbasyna 25 mln teńgeden joldaıdy.
SA Construction Group bas dırektory Gadjı Gadjıev otbasylarǵa kómekke 100 mln teńge, Karazhal Operating negízín qalaushy Jūmabek Janyqūlov – 50 mln teńge bóledí. 10 mln teńgeden Baqyt Ataıbekov, Dmıtrıı Laktyushın jáne Imamzada Shaǵyrtaev bóledí. 5 mln teńgeden Gennadıı Zenchenko, Akbarjon Ismaılov, Aleksandr Kuprıenko, Syrym Ertaev jáne Lugmar Bularov jíberedí. Bastamaǵa Nıkolaı Arsyutın, Rafaıl Gadjıbalaev, Manas Tashybekov, Latıpsha Asanov jáne Abdulla Ismatullaev ta qosyldy – olardyń árqaısysy qaza tapqan áskerı qyzmetshílerdíń otbasylaryn qoldauǵa 1 mln teńgeden bóledí.
Būǵan deıín Qazaqstan Halyq Keńesíníń tóraǵasy Erlan Qoshanov áskerı qyzmetshílerdíń tuystary men jaqyndaryna kóńíl aıtyp, el Prezıdentí Qasym-Jomart Toqaevtyń tapsyrmasymen arnaıy memlekettík komıssıya qūrylyp, barlyq qajettí kómek ūıymdastyrylǵanyn atap óttí.
«Bízdíń áskerı qyzmetshílerímízdíń qaza boluy – eń aldymen úlken adamzat qasíretí. Memleket basshysynyń ókímímen 25 qyrkúıek jalpyūlttyq aza tūtu kúní bolyp jarıyalandy. Qaza tapqandardyń tuystary men jaqyndaryna shyn júrekten kóńíl aıtamyn, al zardap shekkenderge tezírek sauyǵyp, úıleríne oraluyn tíleımín»,
– dep atap óttí.