Qazaqstan boksshylary Vengrıyada 15 medal aldy, – dep habarlaıdy aqshamnews.kz tílshísí.
Vengrıyanyń Eger qalasynda Halyqaralyq World Boxing federatsıyasynyń qoldauymen dástúrlí «Ishtvan Bornemıssa memorıaly» halyqaralyq boks turnırí ayaqtaldy.
Aıtuly jarysqa álemníń 24 elínen 500-den astam sportshy qatysty. Turnır qorytyndysy boıynsha Qazaqstannyń jastar qūramasy (U-19) komandalyq esepte bírínshí orynǵa ıe bolyp, 15 medal jeńíp aldy. Onyń íshínde 6 altyn, 6 kúmís jáne 3 qola júlde bar. Ūlttyq qūramanyń bas bapkerí, Olımpıada chempıony Baqyt Sársekbaev jarystyń úzdík jattyqtyrushysy atandy.
Qazaqstan qūramasynyń jeńístí jolyna almatylyq sportshylar da úles qosty. 50 kelíge deıíngí salmaq dárejesínde Ádíl Asqanbaı altyn medal jeńíp alsa, 90 kelíge deıíngí salmaqta Erketań Jarqynbek kúmís júldeger atandy. Al 55 kelíge deıíngí salmaq dárejesínde Edíge Nūrǵoja qola medal ıelendí.