Būtaqty shatqalynda ınjenerlík ınfraqūrylym jańǵyrtylyp jatyr, – dep habarlaıdy aqshamnews.kz tílshísí.
Almatyda Būtaqty shatqalyn ınjenerlík jelílermen qamtamasyz etu jobasy júzege asyryluda. Jūmystar Almatynyń Energetıka jáne sumen jabdyqtau basqarmasynyń tapsyrysy boıynsha júrgízílude.
Joba ayasynda orta qysymdy gaz qūbyry men su būru jelílerí salynady. Būl turıstík ınfraqūrylymdy damytuǵa, tauly aımaqqa kelushílerdíń jaılylyǵy men qauípsízdígín arttyruǵa múmkíndík beredí. Qazírgí uaqytta qūrylys-montaj jūmystary bastalyp kettí.
Gaz qūbyrynyń jalpy ūzyndyǵy 2,7 shaqyrym. Onyń bír bólígí bolat qūbyrlar arqyly jer ústímen júrgízílse, ekínshí bólígí zamanauı polıetılen qūbyrlarmen jer astyna tartylady. Sonymen qatar su būru jelíleríníń qūrylysy qatar júrgízílude. Búgínde merdíger ūıym qūbyrlardyń alǵashqy bólíkterín ornatyp, temírbeton qūdyqtaryn saldy.
Jobany júzege asyru barysynda senímdílíkke, ekologıyalyq qauípsízdíkke jáne ınfraqūrylymnyń tūraqtylyǵyna basymdyq berílude. Barlyq jūmys bekítílgen jobalyq qūjattamaǵa, qūrylys normalary men ekologıyalyq talaptarǵa sáıkes júrgízílíp jatyr.
Qūrylys-montaj jūmystary kezeńínde keıbír uchaskede uaqytsha shekteuler engízílíp, arnaıy tehnıkanyń qozǵalysy baıqaluy múmkín. Osyǵan baılanysty qala tūrǵyndary men qonaqtarynan uaqytsha qolaısyzdyqqa túsínístíkpen qarau sūralady. Injenerlík jelílerdíń qūrylysyn 2026 jyly qarasha aıynyń sońyna deıín ayaqtau josparlanyp otyr.