Almatynyń ortalyǵynda zańsyz sauda nysandary súríldí, – dep habarlaıdy aqshamnews.kz tílshísí.
Almatynyń Dostyq dańǵyly, 170/1 mekenjaıynda ornalasqan zańsyz sauda nysandary súríldí. Būl turaly Qala qūrylysy baqylau basqarmasynyń ókílderí habarlady.
Jospardan tys tekseru barysynda atalǵan aumaqta qajettí rūqsatsyz bír qabatty úsh nysannyń qūrylysy júrgízílgení anyqtaldy.
Tekseru qorytyndysy boıynsha menshík ıesíne qūrylys-montaj jūmystaryn toqtatu, anyqtalǵan zańbūzushylyqtardy joyu jáne jer telímín bastapqy qalpyna keltíru jónínde nūsqama beríldí.
Alaıda nūsqama talaptary oryndalmaǵandyqtan, materıaldar Ákímshílík qūqyq būzushylyqtar jóníndegí mamandandyrylǵan audanaralyq sotqa joldandy. Sot sheshímímen menshík ıesí ákímshílík jauapkershílíkke tartyldy.
Qazírgí uaqytta óz betínshe salynǵan nysandar menshík ıesíníń kúshímen tolyqtaı súríldí.
Qala qūrylysy baqylau basqarmasy qūrylys jūmystaryn júrgízu kezínde qoldanystaǵy zańnama talaptaryn qatań saqtau qajettígín eske saldy.