Álem chempıonatyna íríkteudíń sońǵy turynda Qazaqstan qūramasy Europanyń myqty ūjymdarynyń bírí - Belgıyamen kezdestí, - dep habarlaıdy aqshamnews.kz tílshísí.
Match 15 qarashada Astana uaqytymen 19:00-de óttí. Stadıonǵa 28 012 jankúıer kelíp tamashalady.
Oıynnyń basy ūlttyq qūramanyń jankúıerlerín quantty. Qazaqstan sapyndaǵy Dastan Satpaev nebárí 9-mınutta dál soqqymen esep ashyp, komandaǵa tamasha bastama syılady. Erte goldan keıín qazaqstandyqtar qorǵanysty jınaqy ūstap, qarsy shabuyl arqyly qauíp tóndíríp otyrdy.
Dese de, ekínshí taımda Belgıya qysymdy kúsheıttí. 48-mınutta belgıyalyq oıynshy Vanaken bízdíń qaqpaǵa dál soqqy baǵyttap, eseptí teńestírdí. Osy sátten keıín ekí komanda da shabuylda belsendílík tanytqanymen, matchtíń taǵdyryn ózgerter gol soǵylǵan joq.
Qıyn sát: 77 mınutta ūlttyq qūramanyń oıynshysy Islam Chesnokovtyń tíkeleı qyzyl qaǵaz aldy. Būdan keıín Qazaqstan oıyndy 10 oıynshymen jalǵastyruǵa májbúr boldy. Soǵan qaramastan, komanda ayaǵyna deıín berílmeı, qorǵanysta tártíp saqtap, nátıjení ūstap qaldy.
Qorytyndy esep - 1:1.
