Qazaqstan áskerínde Memlekettík rámízder kúníne arnalǵan saltanatty sharalar ótude
Elímízde 4 mausym - Qazaqstan Respublıkasynyń Memlekettík rámízderí kúní ataluda. Qaruly Kúshterdíń áskerı bólímderí men mekemelerínde jeke qūramnyń saltanatty sherulerí, mádenı jáne sporttyq sharalar ūıymdastyrylyp, memlekettík rámízderdíń shyǵu tarıhy men mán-maǵynasy jónínde sabaqtar ótkízíldí, dep habarlady Almaty-akshamy. kz.
Elordada Ortalyq áskerı orkestrdíń muzykanttary Ūlttyq áskerı-patrıottyq ortalyǵy ǵımaratynyń aldynda Memlekettík Ánūrandy shyrqady. Būl sharaǵa «Jas sarbaz» áskerı-patrıottyq qozǵalysynyń tárbıelenushílerí de qatysty. Elorda tūrǵyndary men qonaqtary áskerı muzykanttar oryndaǵan tuyndylardy erekshe íltıpatpen, jyly qarsy aldy.
Tarazda garnızon áskerı bólímderíníń áskerı qyzmetshílerí «Jastar» alleyasynan bastap, Tūńǵysh Prezıdent sayabaǵyna deıín memlekettík rámízderdí: Tu men Eltańbany alyp júrdí. Sheruge «Ońtústík» óńírlík qolbasshylyǵynyń áskerı orkestrí de qatysty. Muzykanttar Memlekettík Ánūrandy oryndap, áskerı marshpen júríp óttí.
Qaraǵandy garnızonynda onlaın-rejımde arhıtektor árí Eltańba avtory Jandarbek Málíbekovtyń qatysuymen «Eltańbasymen eńselí, Ánūranymen aıbyndy, Tuymen tūǵyrly» atty dóńgelek ústel ūıymdastyrdy. Sondaı-aq, Gvardeısk garnızonynda voleıboldan jarys óttí.
Atyrau garnızonynyń áskerı bólímderínde áskerı qyzmetshílerdíń balalary arasynda «Bízdíń memlekettík rámízder» atty shyǵarmalar baıqauy ótkízíldí.
Memlekettík rámízder kúní – Qazaqstan halqyn bíríktíretín erekshe mereke. Egemen elímízdíń resmı rámízderí – Tu, Eltańba men Ánūran osydan 29 jyl būryn bekítílgen. Memlekettík rámízderde halqymyzdyń bírlík pen kelísímge degen ūmtylysy, eldegí qoǵamdyq qūndylyqtar jáne Otanymyzǵa degen maqtanysh kórínís tapqan.