Ol únemí bílím beru ísíndegí jańalyqtardy qadaǵalap, óz tájírıbesímen bólísíp otyratyn
Otandyq bílím beru ísíníń korıfeıí, Qazaq KSR bílím beru mınıstrí bolǵan Qajahmet Balahmetov 96 jasynda ómírden óttí, dep habarlaıdy Almaty-akshamy.kz.
Qaraly habarmen áleumettík jelíde QR Bílím jáne ǵylym mınıstrí Ashat Aımaǵambetov bólístí.
Búgín otandyq bílím beru ísíníń korıfeıí, Qazaq KSR bílím beru mınıstrí bolǵan Qajahmet Balahmetov ómírden ótkendígí turaly suyt habar jetíp, kóńíldí qūlazytty.
Qajahmet Balahmetūly elímízdíń bílím beru salasyn damytuǵa baǵa jetpes úles qosqan adam. Būl salany 13 jyldan astam basqarǵan ol, balalar men jastardy oqytu máselesíne erekshe nazar audaratyn.
Sońǵy ret Qajahmet Balahmetovpen bıyl jazda 95 jas mereıtoıymen qūttyqtap barǵanymda kezdesíp edík. Ol únemí bílím beru ísíndegí jańalyqtardy qadaǵalap, óz tájírıbesímen bólísíp otyratyn.
Qajahmet Balahmetūlynyń tuǵan-tuystary men jaqyndaryna qaıǵylaryna ortaqtasyp, kóńíl aıtamyn,-dep jazdy mınıstr.