QR ǴJBM ǴK Fılosofıya, sayasattanu jáne díntanu ınstıtutynyń májílís zalynda «Qazírgí qoǵamdyq transformatsıya úderísíndegí qazaq fılosofıyasy» atty dóńgelek ústel óttí.
Dóńgelek ústeldíń negízgí maqsaty – túrkí-qazaq fılosofıyalyq dástúríníń qazírgí qoǵamdyq transformatsıya jaǵdaıyndaǵy mańyzyn saralau, qazaq fılosofıyasynyń tarıhı-mádenı sabaqtastyǵy men zamanauı qoǵamdaǵy ornyna qatysty ózektí máselelerdí talqylau, qazírgí tsıfrlyq əlem keńístígíndegí qazaq fılosofıyasynyń rólí men mańyzyn paıymdau, sondaı-aq ūlttyq fılosofıyalyq oıdyń búgíngí damu baǵyttaryn aıqyndau boldy.
Jıyn QR ǴJBM ǴK Fılosofıya, sayasattanu jáne díntanu ınstıtutynyń Bas dırektory, áleumettanu ǵylymdarynyń doktory Aıgúl Kákímbekqyzy Sadvokasovanyń kíríspe sózímen ashyldy. Ol dóńgelek ústeldíń mańyzdylyǵyna toqtalyp, túrkí-qazaq fılosofıyalyq dástúríníń búgíngí qoǵamdaǵy rólíne nazar audardy.
Ís-shara «Túrkí-qazaq fılosofıyalyq dástúrí: qazírgí qazaqstandyq qoǵamnyń transformatsıyalanu úderísíndegí negízgí ıdeyalar men basymdyqtary» (AP26199931) atty granttyq qarjylandyru jobasy ayasynda ūıymdastyryldy. Joba jetekshísí, QR ǴJBM ǴK Fılosofıya, sayasattanu jáne díntanu ınstıtutynyń bas ǵylymı qyzmetkerí, fılosofıya ǵylymdarynyń doktory, qauymdastyrylǵan professor Gauhar Gınayadovna Barlybaeva dóńgelek ústelge moderatorlyq jasap, ǵylymı píkírtalastyń ótu barysyn úılestírdí.
Dóńgelek ústel jūmysyna elímízdíń jetekshí ǵylymı jáne joǵary bílím beru ūıymdarynyń ǵalymdary jınaldy. Bayandamashylar men qatysushylardyń qatarynda ál-Farabı atyndaǵy Qazaq ūlttyq unıversıtetíníń professory, fılosofıya ǵylymdarynyń doktory Tūrsyn Hafızūly Ǵabıtov, fılosofıya kafedrasynyń zertteushí-professory, fılosofıya ǵylymdarynyń doktory Gúljıhan Jūmabaıqyzy Nūrysheva, fılosofıya ǵylymdarynyń doktory, professor Ǵazız Tūrysbekūly Telebaev, sondaı-aq PhD Raıymbek Baqytjanūly Zeınullın, PhD Jyldyz Tokonovna Amrebaeva, dotsent, fılosofıya ǵylymdarynyń kandıdaty Asqar Leshan Ámírhanūly, PhD doktorant Farıza Qaıratqyzy Qyzaıbaı jáne basqa da ǵalymdar boldy.
Sonymen qatar būl jıynǵa Abaı atyndaǵy Qazaq ūlttyq pedagogıkalyq unıversıtetíníń ǵalymdary – fılosofıya ǵylymdarynyń doktory, professor Dáurenbek Ómírbekūly Qūsaıynov, zań ǵylymdarynyń doktory, professor Záure Kárímqyzy Ayupova; Abylaı han atyndaǵy Qazaq halyqaralyq qatynastar jáne álem tílderí unıversıtetíníń professory, fılosofıya ǵylymdarynyń doktory Dáuletbek Saduaqasūly Raev; Nūr-Múbarak Egıpet ıslam mádenıetí unıversıtetíníń professory, fılosofıya ǵylymdarynyń doktory Qaırat Aıtbekūly Zatov; Sh.Sh.Uálıhanov atyndaǵy Tarıh jáne etnologıya ınstıtutynyń bas ǵylymı qyzmetkerí, tarıh ǵylymdarynyń doktory, professor Mūrat Jetkergenūly Abdırov; AlmaU «Ūly Dala Akademıyasy» ǵylymı ortalyǵynyń dırektory, PhD, qauymdastyrylǵan professor Nūrjan Erkenūly Kulumjanov qatysty.
Mádenıet pen óner salasynyń ókílderí de ǵylymı píkírtalasqa óz úlesterín qosty. M.O.Áuezov atyndaǵy Ádebıet jáne óner ınstıtuty Muzykatanu bólímíníń qyzmetkerlerí – ónertanu ǵylymdarynyń kandıdaty, professor Aqlıma Qaıyrdenqyzy Omarova men ónertanu ǵylymdarynyń kandıdaty, qauymdastyrylǵan professor Aınūr Jasanbergenqyzy Qaztuǵanova dóńgelek ústelde bayandama jasady. Al ónertanu ǵylymdarynyń magıstrí Gauhar Álıhanqyzy Mukasheva jáne Qazaq ūlttyq konservatorıyasynyń doktoranty Janna Kambarbekovna Kdyrnıyazova ís-sharaǵa qatysushylar qatarynda boldy.
Jıyn barysynda QR ǴJBM ǴK Fılosofıya, sayasattanu jáne díntanu ınstıtutynyń ǵalymdary da óz zertteulerín ūsyndy. Olardyń qatarynda Álem jáne qazaq fılosofıyasy ortalyǵynyń jetekshísí, fılosofıya ǵylymdarynyń doktory, professor Serík Esentaıūly Nūrmūratov, bas ǵylymı qyzmetker, QR ŪǴA akademıgí, fılosofıya ǵylymdarynyń doktory, professor Natalya Lvovna Seıtahmetova, bas ǵylymı qyzmetker, fılosofıya ǵylymdarynyń doktory, qauymdastyrylǵan professor Gauhar Gınayadovna Barlybaeva, bas ǵylymı qyzmetker, fılosofıya ǵylymdarynyń doktory, professor Baqytjan Meńlíbekūly Satershınov, Salystyrmaly sayası zertteuler ortalyǵynyń jetekshísí, fılosofıya ǵylymdarynyń kandıdaty Aıdar Moldashevıch Amrebaev, Díntanu zertteulerí ortalyǵynyń jetekshísí, PhD, qauymdastyrylǵan professor Almasbek Dúısenbekūly Shaǵyrbaı jáne basqa da zertteushíler bar.
Dóńgelek ústel barysynda qazaq fılosofıyasynyń kórnektí ókílí, professor M.S. Orynbekovtíń 80 jyldyǵyna oraı ǵalymnyń fılosofıyalyq mūrasyna arnalǵan bírqatar bayandamalar jasalyp, shákírtterí men ízbasarlary óz oı-píkírlerín ortaǵa saldy.
Dóńgelek ústel ayasynda belgílí qazaqstandyq ǵalym, fılosofıya ǵylymdarynyń doktory, professor Nūrlan Qadyrūly Seıtahmetovtíń «Nravstvennyı smysl germanskogo ıdealızma» atty monografıyasynyń qazaq tílíndegí audarmasy – «German ıdealızmíníń adamgershílíktík mání» kítabynyń tūsauy kesílíp, ǵylymı qauymdastyqqa jol tartty.
Dóńgelek ústel barysynda qazaq fılosofıyasynyń tarıhı sabaqtastyǵy, túrkí-qazaq fılosofıyalyq dástúríníń qazírgí qoǵamdaǵy orny, ūlttyq dúnıetanymnyń ózektí máselelerí men onyń zamanauı transformatsıya úderísteríndegí mańyzy keńínen talqylandy. Ǵalymdar men zertteushílerdíń píkír almasuy qazaq fılosofıyalyq oıynyń ártúrlí qyrlaryn zerdeleuge, dástúr men qazírgí zaman sabaqtastyǵyn paıymdauǵa jáne osy baǵyttaǵy ǵylymı zertteulerdíń ózektí máselelerín aıqyndauǵa múmkíndík berdí. Jıyn qorytyndysy qazaq fılosofıyasyn pánaralyq tūrǵydan zerdeleu, ūlttyq fılosofıyalyq mūrany jańa ǵylymı ádísnamalar negízínde zertteu jáne onyń qazírgí qoǵamdyq-mádenı úderísterdegí ornyn baǵamdau qajettígín kórsettí.
Aınūr Qaztuǵanova, M.O.Áuezov atyndaǵy Ádebıet jáne óner ınstıtutynyń «Muzykatanu» bólímíníń meńgerushísí, ónertanu ǵylymdarynyń kandıdaty, qauymdastyrylǵan professor