«Báıterek» Ūlttyq ınvestıtsıyalyq Holdıngíníń kompanıyalar tobyna kíretín «QazAgroQarjy» AQ kompanıya klıentterí úshín eseptelgen ósímpūldar men aıyppūldardy esepten shyǵaru aktsıyasyn íske qosady.
Aktsıya qaryz alushylardyń barlyǵyna qoldanylady, - dep habarlaıdy Aqshamnews.kz.
Aktsıya 2026 jylǵy 15 qańtardan bastap 1 nauryzdy qosa alǵanda qoldanysta bolady.
Aktsıya sheńberínde «QazAgroQarjy» qarjy lızıngí sharttary boıynsha aqshalaı míndettemelerdí uaqytyly oryndamaǵany úshín eseptelgen tūraqsyzdyq aıybynyń 100%-yn esepten shyǵarady.
Sharaǵa qatysudyń negízgí sharty - qarjylandyru sharty boıynsha negízgí borysh pen syıaqyny aktsıyanyń qoldanylu merzímí ayaqtalǵanǵa deıín tolyq óteu. Būl rette aktsıyany ótkízudíń búkíl kezeńí íshínde bereshektí íshínara tólemdermen óteuge múmkíndík beríledí.
Sondaı-aq míndettemelerí boıynsha būryn sot sheshímderí shyǵarylǵan klıentterge de, olar sot sheshímí boıynsha bereshek somasyn tolyq ótegen jaǵdaıda qoldanylady (aktsıya sheńberínde esepten shyǵaruǵa jatatyn ósímpūldy qospaǵanda).
Aktsıyaǵa qatysu úshín qaryz alushylar ózíne qyzmet kórsetetín «QazAgroQarjy» AQ fılıalyna ótíníshpen júgínuí qajet.
Fılıaldardyń baılanys telefondary men mekenjaılary www.kaf.kz saıtynda kórsetílgen.
Call-ortalyǵy: +7 (7172) 557-755, 9077, 1408.