Memleketter basshylary ekijaqty yqpaldastyqtyń qazirgi jaı-kúıin talqylap, bıyl Qazaqstan-Reseı qarym-qatynasy mazmundy ári nátıjeli bolǵanyn atap ótti, - dep habarlaıdy Aqshamnews.kz.
Negizgi jetistikterdiń biri retinde eki eldiń baılanysy jan-jaqty strategıalyq seriktestik jáne odaqtastyq deńgeıine jetkenin aıtýǵa bolady. Bul memleketter arasyndaǵy yntymaqtastyqtyń mańyzdy kezeńine aınaldy. Qazaqstan Prezıdenti Ýkraına qaqtyǵysyn retteý boıynsha kelissóz prosesiniń ilgerileýin quptap, ózara berik ýaǵdalastyqqa qol jetkizýge baǵyttalǵan saıası-dıplomatıalyq tásilderdi jalǵastyrý qajet ekenine toqtaldy.
Sonymen qatar Qasym-Jomart Toqaev Reseı Federasıasy Prezıdentiniń memlekettik rezıdensıasyna shabýyl jasaý áreketterin aıyptaıtynyn jetkizip, munyń bitimge kelýge jáne qaqtyǵystyń saıası sheshimin izdeýge keri áser etetinin aıtty. Áńgimelesý sońynda memleketter basshylary bir birin kele jatqan Jańa jylmen quttyqtap, qos halyqqa baq-bereke tiledi.