Ekí memleket basshylary Nūr-Sūltan men Erevan arasyndaǵy baılanystardy odan árí keńeıtudíń áleuetí zor degen píkírímen kelístí.
Qazaqstan Prezıdentí Qasym-Jomart Toqaev Armenıya Prezıdentí Armen Sarkısyanmen kezdestí, dep habarlaıdy Almaty-aksham.kz Akorda.kz saıtyna sílteme jasap.
Kelíssóz barysynda Qasym-Jomart Toqaev pen Nūr-Sūltan qalasyna jūmys saparymen kelgen Armen Sarkısyan sayası dıalogty, sauda-ekonomıkalyq jáne mádenı-gumanıtarlyq baılanystardy nyǵaıtuǵa basa mán bere otyryp, qazaq-armyan yntymaqtastyǵyn damytu máselelerín talqylady. Sonymen qatar Prezıdentter Eurazıyalyq ekonomıkalyq odaq, ŪQShŪ jáne basqa da halyqaralyq qūrylymdar ayasyndaǵy yqpaldastyqtyń perspektıvalaryn qarastyryp, jahandyq jáne óńírlík kún tártíbíndegí máseleler boıynsha píkír almasty.
Memleket basshysy ekíjaqty yntymaqtastyqqa tyń serpín beru tūrǵysynan Armenıya Prezıdentíníń osy saparynyń mańyzdy ekenín atap óttí.
«Armenıya – bízge dostas memleket. Elderímíz arasyndaǵy ózara qarym-qatynastar ejelden kele jatqan dástúrlerge negízdeledí. Árıne, bíz yqpaldastyǵymyzdyń bír jerde tūryp qalmaı, jańa mazmūnmen tolyǵa otyryp damuyna múddelímíz. Sondyqtan elderímízdíń úkímetterí men naqty salalyq vedomstvolary osy maqsatqa qol jetkízu úshín jūmys ístep jatyr», – dedí Qasym-Jomart Toqaev.
Qazaqstan Prezıdentí túrlí salalar boıynsha qarym-qatynastardy nyǵaıtu úshín mol múmkíndíkter bar ekenín atap ótíp, Armenıyanyń úkímettík delegatsıyasynyń juyrda Qazaqstanǵa jasaǵan saparynyń qorytyndylaryn oń baǵalady.
Sonymen qatar Memleket basshysy EAEO, ŪQShŪ, TMD, BŪŪ jáne EQYŪ ayasyndaǵy ekíjaqty yqpaldastyqtyń jaqsy qarqynmen jalǵasa beretíníne sením bíldírdí.
Armen Sarkısyan óz kezegínde Qazaqstanǵa jūmys saparymen keluge múmkíndík jasaǵany úshín Qasym-Jomart Toqaevqa alǵys aıtty.
«Men úshín Qazaqstanǵa kelu – belgílí bír maǵynada óz úıíme, dostaryma kelgenmen bírdeı. Ózíńíz aıtqandaı, bízdíń halyqtarymyz arasyndaǵy qarym-qatynastar óte jaqsy jáne onyń tarıhı tamyry tereńde», – dedí Armenıya Prezıdentí.
Armen Sarkısyan Qasym-Jomart Toqaevtyń Nūr-Sūltan men Erevan arasyndaǵy baılanystardy odan árí keńeıtudíń áleuetí zor degen píkírímen kelístí. Osy rette ol sauda, bílím beru, jańa tehnologıyalar, tamaq ónímderín qaıta óńdeu salalary boıynsha jasalyp jatqan qolaıly sharttarǵa nazar audaryp, atalǵan yntymaqtastyqtyń mazmūnyn baıytyp, keńeıte beruge nıettí ekenín jetkízdí.
