Apellyatsıyalyq saty qart ákesín júıelí túrde soqqyǵa jyqqan er adamnyń úkímín qaıta qarady. Sot prokuraturanyń shaǵymyn qanaǵattandyryp, sottalushynyń jazasyn 5 jyldan 6 jylǵa deıín ūzartty, – dep habarlaıdy aqshamnews.kz tílshísí.
Sottyń baspasóz qyzmetíníń málímetínshe, 31 nauryzda apellyatsıyalyq alqa prokuraturanyń jazany qatańdatu turaly ótíníshín qanaǵattandyrǵan. Nátıjesínde sottalushyǵa būryn taǵaıyndalǵan 5 jyl emes, 6 jyl bas bostandyǵynan aıyru jazasy kesíldí.
Sottaǵylardyń túsíndíruínshe, aıyptau baptary ózgeríssíz qalǵan. Er adam būrynǵydaı «Qınau» jáne «Densaulyqqa qasaqana ortasha auyrlyqtaǵy zıyan keltíru» baptary boıynsha kínálí dep tanylǵan, alaıda jaza merzímí qatańdatylǵan.
Apellyatsıyalyq saty sottalushynyń áreketín auyr árí qoǵamǵa qauíptí dep baǵalaǵan. Sot alqasy onyń tuǵan ákesíníń dármensíz jaǵdaıyn paıdalanyp, oǵan ūzaq uaqyt boıy kúsh kórsetíp, azaptaǵanyn atap óttí.
Sonymen qatar sot marqūm bolǵan ákesí turaly qūqyq qorǵau organdaryna bírden habar bermeı, bírden jerleu rásímderín ūıymdastyruǵa kírískenín de jaza merzímín kúsheıtuge negíz bolǵan mán-jaılardyń bírí retínde kórsetken.
Aıta keteıík, ís boıynsha bastapqyda sottalushynyń jūbaıyna qatysty qylmystyq qudalau tergeu kezeńínde toqtatylǵan.