Ūlttyq bank tóraǵasy Tımur Súleımenov "Ūlttyq qor – balalarǵa" baǵdarlamasy ayasynda 12 myńǵa juyq balanyń tólem alushylar qatarynan shyǵaryluyna qatysty píkír bíldírdí, – dep habarlaıdy aqshamnews.kz tílshísí.
Májílís kuluarynda jurnalıster Ūlttyq qordan tólem alu qūqyǵynan aıyrylǵan 12 myń bala turaly jáne būl qarajattyń ózge balalar arasynda qaıta bólíngení jónínde sūraq qoıǵan.
Tımur Súleımenov mūndaı balalardyń naqty sanyn bílmeıtínín aıtty. Alaıda onyń sózínshe, Qazaqstan azamattyǵynan bas tartqan balalarǵa būl tólem berílmeıdí.
"Eger bala basqa elge kóshíp ketse, azamattyǵyn auystyrsa jáne ózge de osyndaı jaǵdaılar bolsa, onyń jeke shotyna túsken audarymdar joıyluy múmkín. Būl joly da sondaı jaǵdaı bolǵan sıyaqty. Naqty qansha balanyń qarajaty qaıta bólíngenín aıtu qıyn. Eger bala Qazaqstan azamattyǵynan bas tartyp, shetelge ketse, būl – onyń jáne ata-anasynyń tańdauy. Ondaı jaǵdaıda qarajat júıede qalyp, basqa balalar arasynda bólínedí", – dedí Tımur Súleımenov.