Faısal Ál-Kahtanı óz elíníń Qazaqstan Respublıkasymen strategıyalyq seríktestíktí odan árí tereńdetuge beıíl ekenín aıtty, – dep habarlaıdy aqshamnews.kz tílshísí.
Ol jaqynda qol qoıylǵan Investıtsıyalardy kótermeleu jáne ózara qorǵau turaly kelísím, sondaı-aq ekí el arasynda Koordınatsıyalyq keńes qūru tıímdí baılanystardy jandandyruǵa jol ashatynyna nazar audardy.
Būdan bólek, dıplomat Tayau Shyǵystaǵy kúrdelí ahualǵa baılanysty Qazaqstan Prezıdentíníń kórsetken jan-jaqty qoldauyna Saud Arabıyasy basshylyǵynyń shynaıy rızashylyǵyn jetkízdí. Sonymen qatar Qazaqstannyń bítímgerlík kelíssózderdí kıelí Túrkístan shaharynda ótkízu turaly bastamasynyń ózektí ekeníne toqtaldy.
Qasym-Jomart Toqaev aımaqtyń tūraqtylyǵyn, qauípsízdígí men ornyqty damuyn qamtamasyz etu áreketteríne aldaǵy uaqytta da járdemdesuge ázírlígín, sondaı-aq Saud Arabıyasyna jáne Shyǵanaqtaǵy barlyq elderge tílektestígín bíldírdí.
Kezdesu ayaǵynda Prezıdent Qos Kıeníń saqshysy, Saud Arabıyasynyń Korolí Salman ben Ábdelazız Ál Saudqa jáne Taq mūragerí, Premer-mınıstr Mūhammed ben Salman Ál Saudqa ystyq yqylasy men sálemín joldap, bauyrlas Saud Arabıyasy halqyna baq-bereke tíledí.