Qaraǵandyda Range Rover markaly kólik qatysqan jol-kólik oqıǵasy boldy. Avtomobıl baǵdarshamnyń tiregine soǵylyp, júrgizýshi oqıǵa ornynda qaza tapty, - dep habarlaıdy aqshamnews.kz tilshisi.
Qaraǵandy oblystyq polısıa departamentiniń málimetinshe, jol apaty 2 qarashada saǵat 00:20 shamasynda Krylov pen Seıfýllın kósheleriniń qıylysynda bolǵan.
Aldyn ala boljam boıynsha, 50 jastaǵy júrgizýshi kólikti basqara almaı, baǵdarsham tiregine soǵylǵan.
"Qatty soqqydan júrgizýshi aýyr jaraqat alyp, oqıǵa ornynda kóz jumdy. Kólikte ózinen basqa eshkim bolmaǵan", – dep habarlady polısıa departamentiniń baspasóz qyzmeti.
karaganda.city paraqshasynda jol apaty ornynan túsirilgen vıdeo jarıalandy. Kadrlarda kóliktiń qatty búlingeni jáne onyń bólshekteri jol boıyna shashylyp jatqany kórinedi.
Qaraǵandy oblysynyń polısıa departamenti jol-kólik oqıǵasy boıynsha qylmystyq is qozǵaǵanyn habarlady.
Qazir apattyń mán-jaıy anyqtalyp jatyr.