Qaraǵandy oblysynda jańa auqymdy bastama – «Kítap oqıtyn ūlt» jobasy íske qosyldy. Jobaǵa mektep oqushylary, studentter, pedagogtar, otbasylyq áuletter jáne memlekettík qyzmetshíler qatysady. Alty aı íshínde qatysushylar 15 kítap oquy tıís. Eń úzdíkterí aqshalaı syılyqtarǵa, sertıfıkattarǵa jáne medaldarǵa ıe bolady. Būl turaly Qaraǵandyda ótken bílím salasy qyzmetkerleríníń tamyz konferentsıyasynda habarlandy.
– Basty maqsatymyz – qazaqstandyqtardyń kítap oqu deńgeıín jylyna kemínde 10 kítapqa jetkízu. Baıqau arqyly bíz oquǵa degen qyzyǵushylyqty arttyryp qana qoımaı, kítapty mektep kezínen bastap tūraqty ádetke aınaldyrudy kózdep otyrmyz, – dedí «Kítap oqıtyn ūlt – Chıtayushchaya natsıya» qorynyń atqarushy dırektory Ayan Saqoshev.
Baıqau qyrkúıek aıynda bastalyp, onyń qorytyndysy 2026 jyldyń nauryz aıynyń sońynda shyǵarylady.
Qaraǵandy oblysynyń ákímí Ermaǵanbet Bólekpaev oqyrmandyq mádenıettí damytu óńírdíń basty basymdyqtarynyń bírí ekenín atap ótíp, jobany kídíríssíz júzege asyru qajettígín aıtty.
– Memleket basshysy Qasym-Jomart Toqaev oqu mádenıetín qalyptastyrudy ūlttyń progressıvtí oılau júıesíníń negízí dep baǵalady. Sondyqtan «Kítap oqıtyn ūlt» jobasyn tolyq qoldap, kítaphana qyzmetín jetíldíru, oqushylardy, pedagogtardy jáne ata-analardy kítap oquǵa keńínen tartu mańyzdy, – dedí Ermaǵanbet Bólekpaev.