Qaraǵandy oblysynyń Shet aýdanynda birneshe kún boıy izdestirilgen 72 jastaǵy er adam óli tabyldy, - dep habarlaıdy aqshamnews.kz tilshisi.
Zeınetker 18 jeltoqsanda jylqy izdeý úshin jeke avtokóligimen shyǵyp, baılanysqa shyqpaı qalǵan. Týystary onyń joǵalǵany týraly habar bergennen keıin aýqymdy izdestirý jumystary bastaldy.
İzdeý jumystaryna Qaraǵandy oblysy TJD qutqarýshylary, polısıa qyzmetkerleri, №52859 áskerı bólimniń áskerı qyzmetshileri, eriktiler men marqumnyń týystary jumyldyrylǵan. Aýmaqty áýeden "Qazavıaqutqarý" tikushaǵy sholyp, drondar men Starlink spýtnıktik baılanysy qoldanylǵan. İzdeý toptary yqtımal baǵyttardy tekserip, qoljetimi qıyn aýmaqtardy táýlik boıy qaraǵan.
23 jeltoqsanda er adam Aǵadyr kentinen shamamen 35 shaqyrym qashyqtyqta, Ortaý aýylyna aparatyn dalalyq jolda, qarǵa kómilip qalǵan avtokóliktiń ishinde óli tabylǵan. Marqum júrgizýshi ornynda bolǵan, zorlyq-zombylyq belgileri anyqtalmaǵan.