Almaty qalasynda respublıkalyq referendumdy ótkízu barysynda dauys beru rásímíníń ashyqtyǵy qamtamasyz etílgen. Uchaskelerdegí úderístí qoǵamdyq bírlestíkter men úkímettík emes ūıymdardyń ókílderí baqylap otyr, – dep habarlaıdy aqshamnews.kz tílshísí.
Almatynyń Túrksíb audanyndaǵy №464 referendum uchaskesíníń baqylaushysy Erlan Ospanovtyń aıtuynsha, dauys beru belgílengen tártípke sáıkes ūıymdastyrylǵan.
«Bíz dauys beru barysyn baqylap, barlyq rásímníń saqtaluyn qadaǵalap otyrmyz. Uchaskelík komıssıyanyń jūmysy talaptarǵa saı júrgízílíp jatyr. Dauys beru tynysh jaǵdaıda ótude, azamattar qūqyǵyn esh kedergísíz júzege asyryp jatyr», — dedí ol.
Almatynyń Alatau audanyndaǵy №545 referendum uchaskesíníń baqylaushysy Meruert Salamasova da qoǵamdyq baqylaushylardyń rólín erekshe atap óttí.
«Baqylaushylardyń qatysuy dauys beru rásímíníń ashyq árí ádíl ótuíne yqpal etedí. Bíz barlyq kezeńníń zań talaptaryna jáne ashyqtyq qaǵıdattaryna saı júrgízíluín qadaǵalap otyrmyz», — dedí ol.
Baqylaushylar kúní boıy uchaskelerde jūmys ístep, referendumnyń ótu barysyn zańnamaǵa sáıkes baqylaudy jalǵastyryp jatyr.