Almatynyń Qoǵamdyq kommunıkatsıyalar ortalyǵynda respublıkalyq referendumnyń ótu barysyna arnalǵan brıfıng óttí. «Er Azamat» qoǵamdyq bírlestígíníń ókílí Alına Kannyń aıtuynsha, saǵat 14:00-degí jaǵdaı boıynsha dauys beru úderísí tynysh árí ūıymdasqan túrde ótíp jatyr, – dep habarlaıdy aqshamnews.kz tílshísí.
«Qazírgí uaqytqa deıín qandaı da bír zańbūzushylyq nemese tótenshe jaǵdaı tírkelgen joq. Dauys beru belgílengen tártíp boıynsha júrgízílíp jatyr. Uchaskelerge ártúrlí jastaǵy tūrǵyndar kelíp, referendumǵa belsendí qatysuda. Kóptegen azamattar otbasymen bírge dauys beruge keledí», — dedí ol.
Onyń aıtuynsha, qaladaǵy referendum uchaskelerínde sabyrly árí dostyq atmosfera qalyptasqan.
Qoǵam qaıratkerí Andreı Andreev te zańbūzushylyqtardyń tírkelmegenín atap óttí. Onyń aıtuynsha, mūndaı jaǵdaı Qazaqstannyń basqa óńírlerínde de baıqalady.
«Eger jańa aqparattar paıda bolsa, bíz būl turaly míndettí túrde qosymsha habarlaımyz», — dedí Andreı Andreev.