15 nauryz kúní Qazaqstanda Qaıyrymdylyq kúnín atap ótedí. Būl kún nauryznama onkúndígí ayasynda ūıymdastyrylyp, mūqtaj jandarǵa qoldau kórsetíp, qol ūshyn beru mádenıetín damytuǵa arnalǵan, – dep habarlaıdy aqshamnews.kz tílshísí.
Kún saıyn tóńíregíne meıírím tógíp júrgen osyndaı jandardyń bírí – almatylyq eríktí Arsen Qabdenov. Bírneshe jyldan berí panasyz januarlarǵa kómektesíp júrgen ol bolashaqta osyndaı ortalyqty ózí ashqysy keledí.
Arsen januarlar panalaıtyn qalalyq tūraqqa únemí baryp tūrady. Ár apta saıyn ol ıtter men mysyqtarǵa jem alyp kelíp, olarǵa kútím jasauǵa kómektesedí, kóshede qalǵan januarlardy da emdeıdí arasynda. Ásírese panasyz mysyqtarǵa kóbírek kóńíl bóledí, óıtkení olardyń bírazy dárígerlík kómek pen uaqytsha kútímdí qajet etedí eken.
Arsenníń aıtuynsha, uaqytynda tamaq beríp, veterınarǵa aparyp, jaı ǵana jylyshyraı tanytqannyń ózí januardyń kóńíl-kúıín ózgertuí múmkín.
Qaıyrymdylyq kúní jaqsylyq jasap, bír-bíríne qol ūshyn beru kerektígín adamdardyń esíne salatyn kún de. Nauryznama kúnderí elímízdíń túkpír-túkpírínde qaıyrymdylyq aktsıyalary, eríktílerdíń bastamasy men áleumettík jobalar ótkízílíp, qıyn jaǵdaıǵa tap bolǵan adamdar men januarlarǵa osylaı qoldau kórsetíledí.
Arsen Qabdenov sıyaqty sózben emes, íspen kómektesíp, aınalasyna qamqor bolyp júrgen jandar kóbeıse álem de ízgílene túserí anyq.