Auyl sharuashylyǵy mınıstrí Aıdarbek Saparov Qaraǵandy oblysynda egín jınau jūmystarynyń barysymen tanysty.
Sonymen qatar, «Nur-SH» JShS alańynda óńírdíń auyl sharuashylyǵy óndírushílerímen kezdesu óttí, dep habarlaıdy aqshamnews.kz Auyl sharuashylyǵy mınıstrlígíne sílteme jasap.
Mınıstr agroónerkásíptík keshendí odan árí qoldau jáne damytu boıynsha qabyldanyp jatqan sharalar turaly habar berdí.
«Aǵymdaǵy jyly Prezıdenttíń tapsyrmasy boıynsha úkímet kóktemgí egís jáne egín jınau jūmystaryn júrgízu úshín barlyq qajettí jaǵdaılardy jasady.
Salany jeńíldetílgen qarjylandyru kólemí 3 eseden astam ūlǵaıtylyp, 580 mlrd teńgení qūrady. Alǵash ret kóktemgí egín jūmystaryn nesıeleu, egín jınau nauqany jáne auyl sharuashylyǵy tehnıkasynyń lızıngí kezínde syıaqy mólsherlemesín arzandatu tetígí qoldanyldy. Auyl sharuashylyǵy qūrylymdary barlyq qajettí agrotehnologıyalardy qoldana aldy, sapaly tūqymdar men tyńaıtqyshtar satyp alyndy. Tıímdílík aıqyn-ónímdílík ótken jylmen salystyrǵanda 5 ts/ga-ǵa ūlǵaıdy. Kelesí jyly jeńíldíktí kredıtteu kólemín 700 mlrd teńgege deıín jetkízu josparlanuda. Alǵashqy aqsha fermerlerge jeltoqsan aıynda jetedí jáne olar egín eguge daıyndyqty bastaı alady», - dedí Aıdarbek Saparov, 2025 jyly osyndaı tetík óńdeu kásíporyndaryn qarjylandyru kezínde íske qosylatynyn habarlady. Fermerlerdí subsıdıyalau erejelerín ózgertuge, memlekettík baǵdarlamalar sheńberíndegí jobalardy qarjylandyruǵa, ınfraqūrylymdy júrgízuge qatysty máseleler qyzyqtyrdy. Ár sūraqqa fermerler tolyq jauap aldy.
Aıta keteıík, Qaraǵandy oblysy boıynsha jalpy egís alqaby 1,2 mln gektardy qūrady, búgínde 700,2 myń gektar egín jınaldy, 12 ts/ga ónímdílíkte 840,2 myń tonna bastyryldy.
2,4 mln tonna shóp, 23,1 myń tonna píshen, 15,1 myń tonna súrlem, 150 myń tonna saban, 237,5 myń tonna jem daıyndaldy. Jūmys sapary barysynda mınıstr «Baımyrza Agro 2018» JShS kartop alqaptaryn aralap kórdí. Fermada Zimmatic aınalmaly jańbyrlatqyshtardyń suaru júıesí qoldanylady. Aldaǵy jyldary suarmaly egístík alqabyn 854 gektarǵa deıín ūlǵaıtu josparlanuda
Aıdarbek Saparov «Shahterskoe» JShS egín jınau jūmystarynyń barysymen tanysty. Óńírdegí írí sharuashylyqtardyń bíríníń basshysy Georgıı Prokop aǵymdaǵy kóktemde otandyq tūqymmen 33 myń gektardan astam egílgenín, qazírdíń ózínde 19 myń gektar jınaldy, ortasha ónímdílígí 18,5 ts/ga 35 myń tonnadan astam astyq bastyrylǵanyn habarlady.
Ekonomıkalyq joǵary óním aluǵa múmkíndík beretín pestıtsıdterdí, tūqymdardy, mıneraldy tyńaıtqyshtardy satyp aluǵa memlekettík qoldau sharalaryn belsendí qoldanady. Osy rette, kartoptyń ónímdílígí 501 ts/ga qūrady.
SQO tájírıbesín tırajdau baǵdarlamasy ayasynda óńírde 12 joba íske asyryluda. Olardyń íshínde quattylyǵy jylyna 10 myń tonna súttí qūraıtyn 1100 basqa arnalǵan sút-tauar fermasy bar. «MF Ramadan» JShS jobasynyń qūny 4,2 mlrd teńge.
Mınıstr jobanyń íske asyrylu barysymen tanysty.