Qaraǵandy oblysynda «Kítap oqıtyn ūlt» jobasy ayasyndaǵy «Kítap oqıtyn memlekettík qyzmetshí» baǵytynyń fınaldyq kezeńí óz máresíne jettí. Jobaǵa oblystyń barlyq audan-qalalarynan 1500-den astam memlekettík qyzmetshí qatysty, – dep habarlaıdy aqshamnews.kz tílshísí.
Joba qatysushylary qatarynda túrlí deńgeıdegí ákímdíkterdíń qyzmetkerlerí, oblystyq basqarmalar, polıtsıya departamentterí, tótenshe jaǵdaılar, qorǵanys salasy, sondaı-aq memlekettík kíríster organdary men prokuratura ókílderí boldy. Qatysushylar arasynda oblystyq basqarma basshylary, audan ákímderíníń orynbasarlary jáne basqa da memlekettík organdar ókílderí bar.
Alty aı boıy qatysushylar arnaıy sarapshylar komıssıyasy íríktegen 15 kítaptan oqyp shyqty. Tízímge Abaı Qūnanbaıūly, Mūhtar Áuezov, Bauyrjan Momyshūly, Lı Kuan Yu, Tomas Sıbel syndy avtorlardyń eńbekterí endí.
Fınaldyń erekshelígí – qazaq jáne orys lıgalary boıynsha ekí baǵytta ótken komandalyq format boldy. Audandyq jáne qalalyq íríkteu kezeńderíníń jeńímpazdary qūrama jasaqtap, tek bílímderín ǵana emes, komandalyq úılesímdílíkterín de kórsettí.
Qorytyndy nátıjeler boıynsha júldelí oryndar tómendegídeı bólíndí:
Qazaq lıgasy:
I oryn – Būqar jyrau audanynyń qūramasy:
Meıram Túleuov – audan ákímdígíníń auyl sharuashylyǵy bólímí sektorynyń meńgerushísí;
Aınūr Qūrdabaeva – Úmítker auyldyq okrugíníń bas mamany;
Aqnūr Álí – Botaqara auyldyq okrugíníń bas mamany.
II oryn – Balqash qalasynyń komandasy:
Aıjan Asylhan – memlekettík aktıvter jáne satyp alu bólímíníń bas mamany;
Bayan Urmatova – íshkí sayasat bólímíníń bas mamany;
Botagóz Baǵlanova – personaldy basqaru qyzmetíníń bas mamany.
III oryn – Qarqaraly audanynyń ókílderí:
Ayan Kızkın – audan ákímdígíníń baspasóz hatshysy;
Baljan Shaldanbaeva – Jańatoǵan auyldyq okrugíníń bas mamany;
Saya Ásken – bílím bólímíníń bas mamany.
Orys lıgasy:
I oryn – Qaraǵandy qalasynyń komandasy:
Larısa Guchenko – qarjy jáne memlekettík aktıvter basqarmasynyń bas mamany;
Berík Dosymbekov – dene shynyqtyru jáne sport basqarmasynyń basshysy;
Jūldyz Joraeva – ekonomıka jáne qarjy bólímíníń sektor meńgerushísí.
II oryn – Saran qalasynyń qūramasy:
Eleonora Nehorosheva – qala ákímí apparatynyń bas ınspektory;
Jūmabıke Taıbekova – qala ákímí apparatynyń bas ınspektory;
Yulıya Bashchuk – Aqtas kentíníń bas mamany.
III oryn – Temírtau qalasynyń qatysushylary:
Dáulet Daıyrov – tūrǵyn úı ınspektsıyasy bólímíníń basshysy;
Vladımır Konev – tótenshe jaǵdaılar basqarmasynyń órt sóndíru bólímíníń bastyǵy;
Aslanbek Ospan – memlekettík aktıvter jáne satyp alu bólímíníń bas mamany.
Jeńímpaz Qaraǵandy komandasynyń jarqyn qatysushylarynyń bírí – oblystyq dene shynyqtyru jáne sport basqarmasynyń basshysy Berík Dosymbekov. Onyń aıtuynsha, jobaǵa qatysu tek qyzmettík míndet emes, jeke synaq boldy:
«Árıne, kítap oqu – ár adamnyń jeke tańdauy. Bíraq basshy retínde ózgelerge úlgí kórsetu mańyzdy. Būl tek jūmys úshín emes, ár adamnyń jeke damuy úshín de paıdaly. Memleket basshysynyń kítap oqu bastamasyn kótergende, kítap oqu mádenıetíníń mańyzyn tereń túsíngení anyq. Osy jobaǵa oblys basshylyǵynyń erekshe qoldau kórsetuí – óte mańyzdy. Men úshín būl joba ózíndík bír chellendj boldy, ony úlken qyzyǵushylyqpen qabyldadym», – dedí ol.
Ol sondaı-aq joba memlekettík qyzmetshílerge ózín-ózí damytuǵa uaqyt tabudyń mańyzyn kórsettí dep atap óttí:
«Qarbalasqa qaramastan, paıdaly ádebıetterdí oquǵa múmkíndík tabu – óte mańyzdy. Būl joba óz múmkíndígímdí dáleldeuge, sondaı-aq sport salasyndaǵy adamdar kítap oqymaıdy degen stereotıptí būzuǵa yqpal ettí. Eń bastysy – elímízde bílímdí, básekege qabílettí ūlt qalyptastyru bastamasyn qoldau».
Joba taǵy bír márte qazírgí zamanǵy memlekettík qyzmetshíníń jan-jaqty tūlǵa ekenín dáleldedí. Fınal túrlí vedomstvo ókílderín bíríktíríp, ortaq qūndylyqtar negízínde naǵyz komanda qalyptastyra alatynyn kórsettí.
Qatysushylardyń jūmysyn ádebıet, bílím jáne memlekettík basqaru salasyndaǵy sarapshylardan qūralǵan qazylar alqasy baǵalady. Qazylar alqasynyń tóraǵasy – QR Prezıdentí janyndaǵy Memlekettík basqaru akademıyasynyń Qaraǵandy fılıalynyń dırektory, fılosofıya doktory Seríkjan Baıbosynov.
«Kítap oqıtyn ūlt» jobasy Qaraǵandy, Qostanaı oblystarynda jáne Shymkent qalasynda júzege asyryluda. Qatysushylar sany boıynsha Qaraǵandy oblysy kósh bastap tūr – 1 500 adam. Qostanaı oblysynda 400-den astam, al Shymkentte 500-den asa memlekettík qyzmetshí qatysuda.
Sonymen qatar, QR Memlekettík qyzmet ísterí agenttígí men «Kítap oqıtyn ūlt – Chıtayushchaya natsıya» qoǵamdyq qory arasynda jasalǵan memorandum ayasynda 2026 jyly jobany búkíl el aumaǵyna keńeıtu josparlanyp otyr. Bastama barlyq óńírdí qamtıdy dep kútílude.
Búgínde «Kítap oqıtyn ūlt» jobasyna 189 myńnan astam adam qatysuda. Olardyń qatarynda mektep oqushylary, kolledj jáne JOO studentterí, pedagogter, otbasylyq dınastıyalar men memlekettík qyzmetshíler bar.
Joba «Kítap oqıtyn ūlt – Chıtayushchaya natsıya» qoǵamdyq qory men Qaraǵandy, Qostanaı oblystary jáne Shymkent qalasy ákímdíkterímen«Amanat» partıyasynyń qoldauymen júzege asyryluda. Saltanatty marapattau rásímí Ūlttyq kítap kúní qarsańynda ótedí dep josparlanuda.
Qosymsha: «Kítap oqıtyn ūlt» jobasy ayasyndaǵy memlekettík qyzmetshílerge arnalǵan kítaptar tízímí
