Abaı oblysynyń dárígerlerí áıel adamnyń íshínen 6 kelíden asatyn ísíktí alyp tastady, – dep habarlaıdy aqshamnews.kz tílshísí.
Abaı oblystyq densaulyq saqtau basqarmasynyń málímdeuínshe, óńír hırurgtary bíregeı oqıǵany bastan ótkerdí: 47 jastaǵy áıeldíń qūrsaq quysynan salmaǵy 6 kelí 200 gramm bolatyn alyp ísík tabyldy.
Bír qyzyǵy, nauqasty būǵan deıín eshqandaı auyrsynu nemese mazasyzdyq belgílerí mazalamaǵan. Ol ózíníń boıyndaǵy qaterlí dert turaly tek pnevmonıyamen auyryp, auruhanaǵa qaralǵan kezde ǵana bílgen. Tekserís barysynda dárígerler ony qosymsha tekseruge jíberíp, íshtegí alyp túzílístí anyqtaǵan.
Auruhanaǵa túsken kezde nauqastyń íshí aıtarlyqtaı úlkeıíp, tábetí tómendegení baıqalǵan.
Ota ekí kezeńnen tūrdy. Aldymen dárígerler nauqastyń qūrsaq quysynan 7 lıtr sūıyqtyqty shyǵardy. Sodan keıín hırurgtar komandasy bírneshe saǵatqa sozylǵan kúrdelí ota jasap, dıametrí 31 santımetr, salmaǵy 6200 gramm bolatyn ísíktí sáttí alyp tastady.
«Nauqasqa sol jaq analyq bezdíń mutsınozdy shekaralyq ísígí degen dıagnoz qoıyldy. Būl – ūzaq uaqyt boıy eshqandaı belgísíz damı beretín epıtelıılí ísík túrí», – dep túsíndírdí mamandar.
Qazírgí tańda patsıent dárígerlerdíń jítí baqylauynda. Mamandardyń aıtuynsha, onyń ómíríne tóníp tūrǵan qauíp joq, jaǵdaıy tūraqty.