Qyz Jíbektíń qamzolyn kıíp kórsetíp, basy dauǵa qalǵan Bayan Alagózova fılmde basty róldí somdaǵan aktrısa Meruert Ótekeshevaǵa aı saıyn 1 mıllıon teńgeden tūraqty túrde tólep tūruǵa uáde berdí, – dep habarlaıdy aqshamnews.kz tílshísí.
Belgílí prodyuser qoǵamda shu tudyrǵan atyshuly qamzolǵa qatysty josparyn da aıtty. Qamzoldy taǵy da kıíp kórsetken prodyuser onyń qazír qauípsíz orynda saqtauly tūrǵanyn aıtty.
— Būl būıym maǵan ony ūzaq jyl saqtap kelgen áıeldíń syıy retínde beríldí. Kamzoldyń aldaǵy taǵdyryn halyq pen tıístí organdar sheshedí. Ázírge ol mende. Uaqyty kelgende, árıne, ūlttyq qūndylyqty muzeıge tapsyramyn, — dedí ol.
Sondaı-aq Alagózova fılmde basty róldí somdaǵan aktrısa Meruert Ótekeshevaǵa úndeu jasap, rızashylyq belgísí retínde oǵan ton syılaǵysy keletínín jetkízdí. Sondaı-aq, prodyuser óner ıesíne aı saıyn 1 mıllıon teńgeden tūraqty túrde tólep tūruǵa uáde berdí.
— Meruert apaı, sízge shaǵyn syılyǵym — tondy tabystaǵym keledí, ūnaıdy dep úmíttenemín. Sonymen qatar óz atymnan jáne joldasymnyń atynan aı saıyn ómír boıy 1 mıllıon teńge kólemínde alǵys retínde tólem jasap tūrudy jón kóríp otyrmyn, — dedí prodyuser.