Álemdík naryqta altyn men basqa da baǵaly metaldardyń qūny aıtarlyqtaı arzandady, – dep habarlaıdy aqshamnews.kz tílshísí.
2026 jyldyń mausym aıynda jetkízíletín altyn fyuchersíníń baǵasy COMEX bırjasynda bír troı untsıya úshín 4650 dollardan tómen túsíp, 13 sáuírden bergí eń tómengí deńgeıge jettí.
Saǵat 10:40-taǵy málímet boıynsha, altyn baǵasy 1,12%-ǵa tómendep, bír troı untsıyasy 4641,3 dollardy qūrady.
Al 10:45-te kórsetkísh taǵy da tómendep, altyn fyuchersí 4638 dollar deńgeıínde saudalandy. Būl – 1,19%-ǵa tómendeu.
Sonymen qatar 2026 jyldyń mamyr aıynda jetkízíletín kúmís fyuchersíníń baǵasy da arzandap, bír troı untsıyasy 73,135 dollardy qūrady. Būl kórsetkísh 2,52%-ǵa tómendegenín kórsetedí.
Sarapshylar baǵaly metaldar naryǵyndaǵy mūndaı ózgerísterdí jahandyq ekonomıkalyq ahual men ınvestorlardyń naryqtaǵy belsendílígímen baılanystyrady.