Qazaqstan TJM bólimsheleri Pavlodar oblysynyń aýmaǵyndaǵy dala órtin sóndirdi.
Jaǵdaıdyń turaqtalýyna baılanysty Baıanaýyl aýdany Jeltaý aýylynyń evakýasıalanǵan 18 turǵyny úılerine oraldy, dep habarlaıdy aqshamnews.kz TJM baspasóz qyzmetine silteme jasap.
Qaraǵandy oblysynyń aýmaǵyndaǵy órt oqshaýlandy, órttiń aýdany anyqtalýda.
Qatty ekpindi jel, relefti taýly jáne batpaqty jerler jáne órt oshaqtaryna kirme joldardyń bolmaýy órtti sóndirý jumystaryn qıyndatty.
Qazirgi ýaqytta Qaraǵandy oblysynyń aýmaǵyndaǵy órt oshaqtary sóndirý jumystary jerústi jáne áýe kóligimen júrgizý jumystary jalǵastyrylýda.
Qaraǵandy oblysynyń Aıyr jáne Atantaı eldi mekenderi aýdanyndaǵy órtti sóndirýge 2 jaýyngerlik ýchaske anyqtaldy.
QR TJM Komandalyq ortalyǵy men oblystardyń TJD jedel shtabtar táýlik boıy jumys isteýde.
Qazirgi ýaqytta órt sóndirý jumystaryna 557 adam men 88 birlik tehnıka, 6 ushqyshsyz ushý apparaty, QR TJM jáne İİM UU 4 áýe kemesi jumyldyrylýda.
Órtti sóndirýge Qaraǵandy, Aqmola, Abaı oblystarynyń, Astana qalasynyń qutqarý toptary, TJM 52859, 68303 áskerı bólimderiniń jáne jergilikti atqarýshy organdar qatysýda.
Áýe kemeleri órt oshaqtaryna barlyǵy 87 ret 102-den astam tonna kóleminde sý tókti. Sonymen qatar aerovızýaldy barlaý júrgizildi. Ushý nátıjeleri boıynsha jaǵdaı turaqty.
Esterińizge sala keteıik, eki oblys shekarasynda órt shyqqany jaıly buǵan deıin habarlaǵan bolatynbyz.
Tabıǵı órt kezinde qaıǵyly jaǵdaı oryn aldy. Órt kezinde qyzmettik mindetin atqaryp júrip, qaraǵandylyq qutqarýshy qaza boldy. TJM qaza tapqan órt sóndirýshiniń otbasyna jan-jaqty kómek pen qoldaý kórsetedi.