Almatyda kóktemgí áskerge shaqyru bastaldy, – dep habarlaıdy aqshamnews.kz tílshísí.
Almatyda kóktemgí áskerge shaqyru nauqany ayasynda alǵashqy jas sarbazdar saltanatty túrde áskerge attandy. Rásím Qorǵanys ísterí jóníndegí departamenttíń qalalyq jınaqtau punktínde óttí.
Alǵashqy legpen 40-tan astam almatylyq jas Ūlttyq qauípsízdík komıtetíníń Shekara qyzmetí bólímderíne jíberíldí. Sharaǵa áskerı organdar ókílderí, ardagerler, ata-analar jáne «Jas sarbaz» qozǵalysynyń múshelerí qatysty.
Departament bastyǵynyń tárbıe jáne ıdeologıya jóníndegí orynbasary, podpolkovnık Nūrjan Estaevtyń aıtuynsha, shaqyrylushylar tolyq tekseruden ótken.
– Jastar medıtsınalyq tekseruden, psıhologıyalyq íríkteuden óttí. Áskerı qyzmetke daıyndyq boıynsha túsíndíru jūmystary júrgízíldí. Bíz olardyń óz míndetín abyroımen atqaratynyna senímdímíz, – dedí ol.
Onyń sózínshe, sarbazdardyń barlyǵy áskerge óz erkímen attanyp otyr.
Ís-shara barysynda ata-analardyń balalaryna degen aq tílegí erekshe áser qaldyrdy. Solardyń bírí – toǵyz balanyń anasy, «Altyn alqa» ıegerí Aıjan Chanashova Kerbūlaqqyzy.
– Ūlymnyń el aldyndaǵy boryshyn abyroımen atqaratynyna senemín. Ol būl sheshímdí sanaly túrde qabyldady, – dedí ol.
Jas sarbazdardyń ózí de áskerdí úlken jauapkershílík dep baǵalaıdy. 18 jastaǵy Islambek Hamıtov būl qadamdy azamattyq paryzym dep esepteıdí.
– Áskerge óz erkímmen bardym. Otandy qorǵau – ár azamattyń míndetí, – dedí ol.
Aıta keteıík, bıyl kóktemde Almatydan shamamen 2000 azamat áskerge shaqyrylady. Olar Qorǵanys mınıstrlígí, Ūlttyq ūlan, Shekara qyzmetí jáne basqa da qūrylymdarda qyzmet etedí.