Saýda jáne ıntegrasıa mınıstri áleýmettik mańyzy bar azyq-túlik taýarlarynyń tizbesin tolyqtyrý týraly buıryq 6 qańtardan bastap kúshine enetinin jáne sol ýaqyttan bastap azyq-túlik baǵasyn kóterý shekteletinin málimdedi, dep habarlaıdy aqshamnews.kz
"Áleýmettik mańyzy bar azyq-túlik ónimderiniń tizbesin keńeıtý: 19 taýar boldy, olar qalady, azyq-túlik taýarlarynyń sanyn 33-ke deıin kóbeıttik, onyń ishinde qıar men qyzanaq bar. Árıne, saýda jelileri qıynǵa soǵatynyn aıtady, logıstıka ózgeredi, kólik shyǵyndary taǵy bar deıdi, biraq biz kelisimge keldik. Bul – ýaqytsha shara, sebebi memleket basshysynyń nusqaýy boıynsha biz baǵany turaqtandyrý josparyn ázirledik. Osy jospardyń aıasynda biz saýda jelilerimen birge qajetti marja men ósý qarqynyn eseptedik. Keıbir taýar boıynsha 7-8 paıyz, keı ónimderde ósim 25 paıyzǵa jetken. Dınamıkany baqylap otyrmyz, búgin buıryqqa qol qoıamyn, ol 2026 jyldyń 6 qańtarynda kúshine enedi", - dedi Saýda jáne ıntegrasıa mınıstri Arman Shaqqalıev.
Onyń aıtýynsha, buıryq bir toqsan boıy kúshinde bolady. Eger baǵa óse berse, sheshim taǵy bir toqsanǵa uzartylady, baǵa ósimine shekteý 15 paıyzǵa deıin bolady.