Qarjy vıtse-mınıstrí Erjan Bírjanov aıtuynsha, elímízde 300 myńǵa juyq azamat bankrottyq protsedurasyna ótíním bere alady, dep habarlaıdy aqshamnews.kz
Búgínge deıín 51 myńnan astam jeke tūlǵa, azamattarymyz bankrottyq protsedurasyn qoldandy jáne 188 mlrd teńge qaryzy esepten shyǵaryldy. Endí qabyldanǵan sharalardyń nátıjesínde shamamen 300 myń Qazaqstan azamatty bankrottyq protsedurasyn qoldana alady. Bíraq, būl shara eríktí túrde júzege asyrylady. Bíz avtomatty túrde barlyq tūlǵany bankrot dep tanı almaımyz. Azamat ótíním bergen jaǵdaıda ǵana skorıng saraptama júrgízemíz, - dedí vıtse-mınıstr Ortalyq kommunıkatsıyalar qyzmetíndegí brıfıngte BAQ ókílderíníń saualyna oraı.
Būǵan deıín Memlekettík qyzmet ísterí agenttígí Qarjy mınıstrlígíne adamdy bankrot dep tanuǵa qajet qūjattardyń sanyn barynsha azaıtyp, azamattarǵa qaryz máselelerín jedel sheshuge keń múmkíndík beru jónínde ūsynymdar engízgen edí. Osy ūsynymdardyń negízínde Qarjy mınıstrlígí sottan tys bankrottyq rásímín aıtarlyqtaı jeńíldettí.
