Adamdar arasyndaǵy syılastyqty arttyrudyń bírden-bír qūraly - syılyq. Syılyq alǵan adam quanyp, razy bolyp qalsa, syılyq berushí de máz bolary sózsíz. Bíraq keıde quantaıyn dep syılyq beríp, kerísínshe renjítíp alatyn kezder de bolady, sebebí syılyq berudíń de óz ádebí, senímí, yrymy, tyıymy bar.
Januarlar
Januar - tírí energıya. Ony syıǵa alu da, beru de - jauapkershílík. Kóne nanymdarda aıtylǵandaı, kez kelgen januardy "satyp alu" (vykup) kerek. Sondyqtan eger sízge mysyq, kúshík nemese basqa bír tírshílík ıesín syılasa, míndettí túrde qaıtarymyna shaǵyn bolsa da (táttí, aqsha) bírdeńe beríp jíberíńíz. Būl januardyń energıyasyn bekítíp, ony óz ıesíne úıír qylady, eger olaı etpese januar ūzaq tūraqtamaı, qashyp ketuí enemes auyryp qaluy múmkín degen sením bar eken. Sonymen qatar januardy alǵan kezde shyn nıetíńmen "qosh keldíń" dep qabyldau kerek.
Saǵat
Saǵat - uaqyttyń belgísí. uaqyt -ómírdíń aǵysy, ózgeru, qartayu. Sol sebeptí kez kelgen (qolsaǵat, qabyrǵa saǵaty, eskí, jańa, elektrondy, mehanıkalyq) saǵat syılau da "bírtúrlí" energetıka tudyrady deıdí. Eger saǵat syılansa, míndettí túrde onyń da "aqysyn" beru kerek, azdaǵan aqsha nemes táttí dám túrínde. Būlaı etu syılyqty beıtaraptandyryp, uaqyt energıyasynyń ıesíne qarsy áser etpeuíne kómektesedí. Saǵatty syıǵa alǵan kezde "óz uaqytymdy ózím basqaramyn" dep nıet etu kerek.
Beldík
Beldík - shekteu men baılanudyń belgísí. Syıǵa berílgen beldík ıesíníń áreketín tejeıdí degen sením bar. sony boldyrmau úshín syıǵa bergen beldíktí úıge ákelíp,, bír aptadaı jazyp ashyp qoyu kerek, beıtaraptanady. Beldíktí taǵar aldynda íshteı "jolymdy ash" dep aıtuǵa bolady.
Ámıyan
Ámıyan - aqshanyń "úıí". Ol adamnyń ózíne qalaı ūnasa, solaı onyń qarjylyq jolyna da áser etedí degen nanym boıynsha, beıtanys adamnan ámıyan alu qarjylyq jolyńdy álsíretuí múmkín, keı jaǵdaıda óz sáttílígíńdí basqaǵa "audaryp" jíberuíń de yqtımal. Ámıyandy tek jaqyn, júregí taza adamnan alǵan dūrys. Eń bastysy, syılaǵan kezde ámıyannyń íshínde kem degende 1 tıyn bolu kerek, tıyn aqsha aǵymyn jolǵa qoyady. Ámıyan alǵan kúnnen bastap onyń íshíne tek jaqsy energıya jınalsyn dep nıet et.
Qaıshy
Qaıshy - kesu, toqtatu energıyasyn beredí. Sol sebeptí qaıshy syılau kóp kezdespeıdí jáne syıǵa alu da ūsynylmaıdy. Eger syrtta bíreu qaıshy syılasa, ony úıge aparmaǵan dūrys dep aıtylady, sebebí onyń úıdegí úılesím energıyasyn "kesuí" múmkín dep sengen. Eger qatty qajet bolsa, 24 saǵat tūzǵa kómíp qoıyp, sodan keıín ǵana qoldanuǵa bolady. Jalpy qaıshymen baılanysty syılyqty beruden de, aludan da tartynǵan jón, ol adamnyń joyna kedergí boluy múmkín eken.
Aına
Aına - adamnyń íshkí energıyasyn ózíne qaıta kórsete alatyn kúshtí zat. Syıǵa kelgen aınada bógde adamnyń ízí, kóńíl-kúıí, oıy qonaqtauy múmkín. Sondyqtan tūz salynǵan suǵa juyp alǵan jón.Tūz - aınanyń energıyasyn túsíretín qarapaıym tazartu qūraly, ózíń satyp alǵan aınany da osylaı "tazalaǵan" dūrys. Tazalanǵan aına ómíríńe jaryq sáule shaqyrady.