Suǵa ketken 17 adamnyń 12-sí qaza tauyp, úsh áskerı qyzmetshí qūtqaryldy, dep habarlaıdy aqshamnews.kz tílshísí.
QR Premer-Mınıstríníń orynbasary Qanat Bozymbaev bastaǵan Úkímettík komıssıya Mańǵystau oblysyndaǵy tótenshe jaǵdaı bolǵan jerde jūmysyn jalǵastyruda.
Oqıǵa ornynda jūmyldyrylǵan memlekettík organdardyń ís-qımyly jáne ízdestíru-qūtqaru jūmystary úılestírílude. Qazírgí tańda negízgí míndet – ornalasqan jerí anyqtalmaǵan ekí áskerı qyzmetshíní ízdestíru.
Naqtylanǵan málímetke sáıkes, oqu-jattyǵu-jauyngerlík tapsyrmany oryndau kezínde aua raıynyń kúrt nasharlap, jeldíń kúsheyuíne baılanysty 17 adam suǵa ketken. Onyń 12-sí qaza tauyp, úsh áskerı qyzmetshí qūtqaryldy. Qalǵan ekí áskerı qyzmetshíní ízdestíru jūmystary jalǵasuda.
Qanat Bozymbaev álí tabylmaǵan áskerı qyzmetshílerdí qajettí barlyq kúshter men qūraldardy tarta otyryp, táulík boıy úzdíksíz ízdestírudí qamtamasyz etudí tapsyrdy. Sondaı-aq qaza tapqan áskerı qyzmetshílerdíń otbasylaryna qajettí materıaldyq jáne ózge de kómek kórsetu tapsyryldy.
Uákílettí organdar oqıǵanyń barlyq mán-jaıyn anyqtau boıynsha jūmys júrgízude.
Komıssıyanyń jūmysy men oqıǵa ornyndaǵy ízdestíru-qūtqaru ís-sharalary jalǵasuda.