Bıyl jańa jyl qarsańynda ÍÍM Almaty akademıyasynyń bastyǵy Qalıjan Qoblandın jetí bala tárbıelep otyrǵan ananyń úıíne baryp, balalardy merekesímen qūttyqtap, olarǵa kíshígírím syılyq ūsynǵan bolatyn.
Sol kezde akademıya basshysy būl otbasynyń auyr tūrmysyn kóríp, bolashaqta da olarǵa qoldan kelgenshe qoldau kórsetudí ūıǵarǵan edí. Sodan berí akademıya qyzmetkerlerí múmkíndígínshe osy shańyraqqa kómektesíp keledí.
Jetí perzenttíń anasy Gulsaranyń balalary jas. Sondyqtan tárbıesímen de, úı sharuasymen de ózí ǵana aınalysady. Sondyqtan kez kelgen kómek ol úshín óte mańyzdy.
Akademıya basshysy būl joly kursanttarmen bírge baryp, olarǵa mūqtaj jandarǵa qaıyrymdylyq pen qamqorlyq jasaudyń úlgísín kórsettí. Kursanttar otbasyǵa ákelgen kómírdí túsíríp, esígíníń aldyna jaıǵastyryp berdí. Kóktem kelgenímen álí jerdíń tońy jíbı qoıǵan joq, kún salqyn, sondyqtan kómír kerek.
Qasıettí Ramazan aıynda ananyń aq batasyn alu árdaıym erekshe sezím syılaıtyny anyq. Kursanttar halyqqa qyzmet etu eń aldymen adamdarǵa kómektesuden, qarapaıym jaqsy ísterden bastalatynyn sezíníp qaıtty.
Nūrjamal ÁLÍSh