Almaty qalalyq kardıologıyalyq ortalyǵynda mıtraldy jetkílíksízdíktí emdeuge arnalǵan zamanauı az ınvazıvtí MitraClip júıesín ımplantatsıyalau boıynsha sheberdíń sabaǵy óttí, – dep habarlaıdy aqshamnews.kz tílshísí.
Ís-shara ayasynda ınterventsıyalyq kardıologtar kórsetílímdík otalar jasap, júrektíń qūrylymdyq aurularyn transkateterlík ádístermen emdeu tájírıbesímen almasty.
Kezdesu barysynda mamandar júrek patologıyalaryn endovaskulyarlyq emdeudíń zamanauı tásílderín talqylady. Atap aıtqanda, júrek qaqpaqshalaryn transkateterlík emdeu ádísterí qarastyryldy. Būl tásílder kúrdelí aurulardy ashyq ota jasamaı emdeuge múmkíndík beredí.
MitraClip tehnologıyasyna erekshe nazar audaryldy. Būl mıtraldy qaqpaqshany transkateterlík qalpyna keltíru ádísí (TEER). Protsedura kateterdí qan tamyrlary arqyly engízu jolymen júzege asyrylady jáne hırurgıyalyq táuekelí joǵary nauqastarda mıtraldy jetkílíksízdíktí azaıtuǵa múmkíndík beredí.
Sheberdíń sabaǵynyń negízgí bólígí ekí kórsetílímdík ota boldy.
Nauqastar:
• 78 jastaǵy er adam — mıtraldy qaqpaqsha hordasynyń úzíluí dıagnozy bar;
• 63 jastaǵy er adam — mıtraldy jetkílíksízdík dıagnozy bar.
Otalar shaqyrylǵan sarapshylardyń qatysuymen óttí. Proktorlar retínde Astana qalasyndaǵy UMC «Interventsıyalyq kardıologıya» klınıkalyq-akademıyalyq departamentíníń jetekshísí, medıtsına ǵylymdarynyń doktory Marat Árípov jáne funktsıonaldyq dıagnostıka dárígerí Aqnūr Qalı qatysty.
«Mūndaı oqytu formatyndaǵy ís-sharalar qazaqstandyq kardıologıya tájírıbesíne ozyq tehnologıya engízuge, dárígerlerdíń bílíktílígín arttyruǵa jáne auyr júrek aurulary bar nauqastarǵa joǵary tehnologıyalyq medıtsınalyq kómek kórsetu múmkíndígín keńeıtuge jol ashady», — dedí QKO ınterventsıyalyq kardıologıya bólímshesíníń meńgerushísí Orazbek Sahov.
Atalǵan sheberdíń sabaǵy ınterventsıyalyq kardıologıyanyń damuyna serpín beríp, Almatydaǵy kardıologıyalyq qyzmettíń joǵary deńgeıín taǵy bír márte dáleldedí.