"Qaırat" komandasynyń bas bapkeri Rafael Ýrazbahtın UEFA Chempıondar lıgasy negizgi kezeńi jetinshi týryndaǵy Belgıanyń "Brúgge" (Brússel) komandasymen kezdesý aldynda baspasóz máslıhatyn berdi, - dep habarlaıdy aqshamnews.kz.
Bas bapker komanda quramyna qysqy transferlik kezeńde qosylǵan fýtbolshylardyń aldaǵy oıyndarǵa qatysa almaıtynyn atap ótti.
- Sondyqtan biz ótken maýsymnan almatylyq klýb namysyn qorǵap júrgen jigitterge senim artamyz. Quramda aıtarlyqtaı ózgeris joq. Ótken maýsymnyń aıaq sheninde ota jasatqan Ofrı Arad aldaǵy kezdesýge qatyspaıdy. Sondaı-aq Dastan Sátpaevqa da úmit arta almaımyz. Ol jaraqatynan emdelip, oqý-jattyǵý jıynynan tys qaldy. Eń bastysy, bizge fýtbolshynyń densaýlyǵynyń jaqsy bolǵany kerek. Biz Chempıondar lıgasyndaǵy ornymyzdy bilemiz. Negizgi oıyndar alda dep sanaımyz. Aldymyzǵa úlken maqsattar qoıyp otyrmyz. Qazirge deıin qarsylastardyń barlyǵy ońaı bolǵan joq. Barlyǵy derlik joǵary deńgeıdegi komandalar dep aıta alamyn, - dedi ol baspasóz máslıhatynda.
Kezdesý 20 qańtarda kúni saǵat 20:20-da elordadaǵy «Astana-arena» stadıonynda bastalyp, «Qazaqstan» telearnasynan tikeleı efırde kórsetiledi.
Qazirge deıin «Qaırat» Portýgalıanyń «Sportıngine» 1:4, Ispanıanyń «Real Madrıdine» 0:5, Italıanyń «Interine» 1:2, Grekıanyń «Olımpıakosyna» 0:1, Danıanyń «Kopengagenine» 2:3 esebimen jol berse, Kıprdiń «Pafosymen» 0:0 esebimen teń tústi.