Búgín, 9 jeltoqsanda, Astanada Chempıondar lıgasynyń jalpy kezeńíníń altynshy turyndaǵy match ótedí. Onda almatylyq "Qaırat" pen Pıreıdíń "Olımpıakosy" kezdesedí, - dep habarlaıdy aqshamnews.kz tílshísí.
Matchtí qashan jáne qaıdan kóruge bolady?
Kezdesu Astana uaqytymen 20:30-da bastalady. Oıyndy tíkeleı efırde Qazaqstan telearnasy kórsetedí. Sondaı-aq matchtí arnanyń resmı saıtynan da tamashalauǵa bolady.
Matchtíń bas tóreshísí bolyp ıspanıyalyq Huan Martınes taǵaıyndaldy. Oǵan qaptaldaǵy kómekshílerí Raul Kabanero men Inıgo Prıeto járdemdesedí. Tórtínshí tóreshí míndetín Haver Alberola atqarady. VAR júıesíne Karlos del Serro jauap beredí, onyń assıstentí – Haver Iglesıas Vılyanueva.
ChL-daǵy match aldyndaǵy komandalardyń jaǵdaıy
"Sary-qaralardyń" qorjynynda bír ūpaı bolsa, grek klubynda ekí ūpaı bar. Chempıondar lıgasynyń negízgí kezeńínde almatylyqtar Kıprdíń "Pafosymen" (0:0) teń oınap, Lıssabonnyń "Sportıngínen" (1:4), Madrıdtíń "Realynan" (0:5), Mılannyń "Interínen" (1:2) jáne Danıyanyń "Kopengagenínen" (2:3) jeńílgen.
Jalpy turnırlík kestede "Qaırat" 35-orynda, al "Olımpıakos" 33-satyda tūr.