Būl sūraqqa Ekologıya mınıstrlígíníń Orman sharuashylyǵy jáne januarlar dúnıesí komıtetí tóraǵasynyń orynbasary Maqsat Elemesov jauap berdí, dep habarlaıdy aqshamnews.kz
Komıtet basshysynyń orynbasarynyń aıtuynsha, búgínde Qazaqstanda órt qaupíníń joǵary, besínshí klasy ornaǵan. Aua temperaturasy 35 gradustan joǵary, jauyn-shashyn joq, sol sebeptí Maqsat Elemesovtíń aıtuynsha, "orman qorynyń búkíl aumaǵy qauíp aımaǵynda".
"Eń úlken qauíp – qylqan japyraqty ormandarda. Qaraǵaıly ormandarda eń aldymen ormannyń ústíńgí bólígíne órt taralu qaupí joǵary. Soltústík Qazaqstan oblysyndaǵy japyraqty ormandarda qaıyń aǵashtarynyń arasynda da órt bastalyp jatyr, bíraq ol jerde joǵary órt bolmaıdy, tómengí órt asa úlken qauíp tudyrmaıdy", – dep túsíndírdí Maqsat Elemesov.
Qaraǵaıly, qylqan japyraqty ormandarda órt shyqqan jaǵdaıda, joǵaryǵa taralu qaupí bar, būl ormandardyń joıyluyna ákeluí múmkín.
"Qauíp aımaǵynda shamamen jetí oblys bar: Shyǵys Qazaqstan, Abaı oblysy, Pavlodar, Qostanaı, Aqmola, Almaty jáne Qaraǵandy oblystary. Būl – qaraǵaıly ormandar men orman alqaptary bar óńírler", – dep qosty Elemesov.
