Bul suraqqa Úkimet otyrysynda QR Densaýlyq saqtaý mınıstri Alekseı Soı jaýap berdi.
Elimizdiń birqatar óńirinde turǵyndardy koronavırýsqa qarsy vaksınalaý kórsetkishi tómen bolyp tur dep habarlaıdy Almaty-akshamy.kz.
«Halyqty vaksınalaý jalǵasýda. Shamamen 4,5 myń doza vaksına qoldanyldy. Onyń ishinde 1-komponentpen 2 809 447 adam ekpe aldy. Bul - ekpe alýǵa kiretin halyqtyń 28,4 paıyzyn quraıdy. Ekinshi komponentpen 1 715 750 adam qamtyldy. Búginde ekpe pýnktterinde vaksınanyń jetkilikti dozasy bar: 1-komponent - 1,1 mln doza jáne ekinshi komponent - 1,4 mln doza», - dedi mınıstr.
Onyń dereginshe, Mańǵystaý, Qostanaı, Pavlodar, Batys Qazaqstan, Aqtóbe, Aqmola, Qaraǵandy, Jambyl, Almaty oblystarynda 1-komponent vaksına alǵandar sany ortasha respýblıkalyq kórsetkishten tómen.
«Respýblıka aýmaǵynda úndi shtamynyń taralýynyń anyqtalǵandyǵyn eskere otyryp, óńirlerdegi epıdemıologıalyq turaqtylyqty ustap turý úshin jergilikti atqarýshy organdar vaksınasıa qarqynyn arttyrýy jáne halyq arasynda tezirek vaksına alý qajettigi, maska rejımi, áleýmettik araqashyqtyq syndy negizgi aldyn alý is-sharalaryn saqtaý kerektigi týraly aqparattyq-túsindirý jumysyn kúsheıtýi tıis», - dedi Alekseı Soı.