Almatydaǵy sanıtarlyq-epıdemıologıyalyq ahual mutatsıyalanǵan «delta» shtamynyń anyqtaluymen kúrdelene túsude.
Koronavırus ınfektsıyasynyń taraluynyń aldyn alu maqsatynda megapolıstíń Halyqaralyq áuejaıynda sanıtarlyq-epıdemıologıyalyq baqylau kúsheıtíldí, dep habarlaıdy Almaty-akshamy.kz.
Almatyda KVI-díń taraluyn boldyrmau jóníndegí shtabtyń deregí boıynsha 2020 jyldyń 6 qazanynan 2021 jyldyń 30 mausymyna deıín qalanyń Halyqaralyq áuejaıyna bortynda 424 799 jolaushy bar 2935 reıs kelgen. Onyń íshínde COVID-19 terís nátıjesí bar sertıfıkattarmen - 395 431, vaktsınalanu pasporttarymen - 3836, sertıfıkatsyz 25 532 adam boldy.
25500 adam PTR analızín tapsyru úshín karantındík statsıonarǵa jatqyzyldy. Túrkıyadan (37), BAÁ-den (35), Egıpetten (33), Belarussıyadan (5), Ukraınadan (7), Maldıvterden (4), Ońtústík Koreyadan (2), Malıden (1), Reseı (1).
Terís PTR synaǵy sertıfıkattarynyń bolmauy saldarynan 32 sheteldík azamat Almaty áuejaıynan elderíne qaıtaryldy.
Eske salsaq, megapolıstegí sanıtarlyq-epıdemıologıyalyq ahual mutatsıyalanǵan «delta» shtamynyń anyqtaluymen kúrdelene túsude. 1 shíldedegí jaǵdaı boıynsha, Almaty qalasynda koronavırus ınfektsıyasynyń 74 306 jaǵdaıy tírkeldí, onyń 57 841-í sımptomdy, 16 465-y sımptomsyz, 1 993 jaǵdaıy anyqtalmaǵan pnevmonıya.
30 mausymda koronavırus ınfektsıyasynyń 305 jaǵdaıy tírkeldí, onyń 282-sí sımptomdy, 23-í sımptomsyz. Táulíktík ósím - 0,4% . Reproduktıvtí sany - 1,287. 29 mausymdaǵy jaǵdaı boıynsha, zerttelgen synamalardaǵy úndí shtamynyń úles salmaǵy - 78,3%.
Sondyqtan Almatydaǵy KVI-díń taraluyn boldyrmau jóníndegí shtab qala tūrǵyndary men qonaqtaryn betperde rejımí men áleumettík araqashyqtyqty qatań saqtauǵa, adamdar kóp shoǵyrlanatyn oryndardan aulaq boluǵa shaqyrady. Sonymen qatar, árkím ózí men jaqyndarynyń densaulyǵyn saqtau úshín vaktsına alǵandary jón.