Qazaqstanda áleýmettik jeliler men onlaın platformalarda jarıalanatyn bilim berý jáne okkýlttik mazmundy mindetti túrde belgileý týraly bastama kóterilip otyr, dep habarlaıdy aqshamnews.kz
Bul túzetýler Mádenıet jáne aqparat mınıstrligi ázirlegen jańa zań jobasyna engizilgen.
Zań jobasy "Onlaın platformalar jáne onlaın jarnama týraly" zańnyń 16-babyn tolyqtyrǵan. Osyǵan sáıkes, kez kelgen salaǵa baılanysty oqytý kýrstary nemese bilim berý materıaldary jarıalansa, mundaı kontentte mindetti túrde avtordyń bilimi týraly aqparat kórsetilýi tıis. Ol – dıplom nemese sertıfıkat jónindegi málimetter.
Qujatta "Oqytý materıaldaryn ornalastyrý kezinde avtordyń bilimi týraly málimetter kórsetilýge tıis" dep anyq jazylǵan.
Eger atalǵan talap oryndalmasa, jarıalanǵan materıal zańbuzýshylyq bolyp tanylady. Iaǵnı blogerler, koýchtar jáne kez kelgen oqytý kýrstarynyń avtory óziniń kásibı biliktiligin ashyq kórsetýge mindetteledi.
Zań jobasynda okkýlttik qyzmetter nemese onymen uqsas basqa qyzmetter týraly aqparatty qamtıtyn kontent taratylsa, mundaı materıal mindetti túrde tek kóńil kóterý maqsatynda jasalǵanyn jáne ǵylymı nemese praktıkalyq rastamasy joq ekenin kórsetetin eskertýmen jarıalanýy kerek. Qujatqa sáıkes "Okkýlttik praktıkalarǵa qatysty materıaldar ornalastyrylǵan kezde olardyń sıpaty týraly eskertý beriledi" delingen. Bul osyndaı kontent mindetti belgimen jarıalanýǵa qajet degendi bildiredi.