Qasym-Jomart Toqaevtyń paıymdauynsha, jańa tehnologıyalyq paradıgmaǵa kóshu úshín qazírgí jaǵdaıǵa obektıvtí, shynaıy baǵa beru qajet, – dep habarlaıdy aqshamnews.kz tílshísí.
– Tsıfrlyq ekonomıka turaly tūjyrymdama álí tolyq jasaqtalmaǵan, qoldanystaǵy ádísteme bír ízge túspegen. Íshkí jalpy ónímdí bes paıyzǵa jetkízu turaly aıtqanda, naqty ekonomıka sektoryndaǵy ósím men ınnovatsıya nátıjesíndegí tabystyń ara jígín ajyrata bílu kerek. Jalpylama kórsetkíshter kóbíne jūmystyń tıímdílígín emes, aldamshy kórínís qalyptastyryp jatady. Sondyqtan būl tsıfrlandyru men jasandy ıntellektíníń el ekonomıkasyna qosqan naqty úlesín baǵalauǵa múmkíndík bermeıdí. Úkímet Strategıyalyq josparlau jáne reformalar agenttígímen bírlesíp, tsıfrlyq ekonomıkanyń ÍJÓ-ge áserín baǵalau boıynsha ūsynystar engízgení jón, – dedí Memleket basshysy.