Prezıdent Qasym-Jomart Toqaevtyń Reseı Federatsıyasyna memlekettík sapary qarsańynda «Rossııskaya gazeta» basylymynda «Vechnaya drujba – putevodnaya zvezda dlya nashıh narodov» atty maqalasy jaryq kórdí, - dep habarlaıdy Aqshamnews.kz tílshísí.
Prezıdent Toqaev būl kólemdí maqalasynda Qazaqstan men Reseıdíń «máńgí dostyq» turaly tarıhı-fılosofıyalyq kontseptsıyasyn qaıta bekítíp, ekí el qatynastarynyń jańa kezeńge ótíp jatqanyn aıtady. Negízgí oılary tómendegídeı:
1. Máńgí dostyq – tarıhı tańdau.
Toqaev qazaq jáne orys halyqtary ǵasyrlar boıy qatar ómír súríp, ortaq mádenı keńístík qalyptastyrǵanyn aıtady. Osy tarıhı baılanys ekí eldí strategıyalyq seríktes ettí.
2. Qazaqstan–Reseı qatynastary – úlgílí memleketaralyq model.
Ekí el táuelsízdík alǵannan berí senímge, teńdíkke jáne ózara qūrmetke negízdelgen qatynastardy damytyp keledí. 1992 jylǵy «Máńgí dostyq turaly shart» - sol joldyń bastauy.
3. Aldaǵy kezeń – «jan-jaqty strategıyalyq seríktestík jáne odaqtastyq» deńgeıí.
Toqaev Máskeuge saparynda jańa Deklaratsıyaǵa qol qoıylatynyn, būl qūjat qarym-qatynasty jańa kezeńge shyǵaratynyn jazady.
4. Ekonomıka jáne ınvestıtsıyalar.
– Reseı - Qazaqstannyń úsh írí sauda áríptesíníń bírí.
– Tauar aınalymy 30 mlrd dollarǵa jaqyndady.
– 170-ten astam bírlesken írí joba (50 mlrd dollardan asa ınvestıtsıya).
– Energetıka, atom elektr stansasy, mūnaı-gaz, hımıya ónerkásíbí, mashına jasau - basty baǵyttar.
5. Transport jáne tranzıt.
Qazaqstan arqyly Azıya–Europa arasyndaǵy júk tasymalynyń 85%-y ótedí.
Ekí el «Soltústík–Ońtústík», «Batys Europa – Batys Qytaı» dálízderín bírge damytyp jatyr.
6. Gumanıtarlyq baılanystar.
– Baıqońyrdyń 70 jyldyǵy, soǵys jeńísíníń 80 jyldyǵyna qatysty ís-sharalar.
– Orys tílíne qoldau, MGIMO fılıaly, «Sırıus» mektebí, Reseıdegí ál-Farabı atyndaǵy QazŪU fılıaly.
– «Máńgí dostyq alleyasy» Astanada, Máskeude – «Qazaqstan–Reseı dostyǵy skverí».
7. Reseı lıderí turaly píkírí.
Toqaev Putınníń halyqaralyq rólín atap ótíp, onyń Qazaqstandaǵy bedelí jónínde píkír bíldírdí.
Tolyq maqalany myna síltemeden oqı alasyzdar.
