Memleket basshysy Qasym-Jomart Toqaev Rojdestvo merekesimen quttyqtady. Bul týraly Aqordanyń baspasóz qyzmeti málimdedi, dep habarlaıdy Aqshamnews.kz tilshisi.
«Qurmetti otandastar! Qazaqstannyń barsha pravoslav hrıstıandaryn Rojdestvo merekesimen quttyqtaımyn! Bul jarqyn meıram adamdardyń júregine senim men úmit uıalatyp, barsha adamzatqa súıispenshilikpen qaraýǵa úndeıdi. Ádildik, izgilik, shynaıylyq, jaýapkershilik, meıirimdilik, úılesimdilik sıaqty máńgilik rýhanı qundylyqtar hrıstıan dini men basqa da álemdik dástúrli dinderdiń arqaýy sanalady», – dedi prezıdent.
Ol Pravoslav hrıstıandary elimizdegi konfesıaaralyq kelisimdi nyǵaıtýǵa, óskeleń urpaqty otanshyldyq pen eńbekqorlyqqa baýlýǵa jáne olardyń boıyna otbasy qundylyqtaryn sińirýge eleýli úles qosyp keletinin aıtty.
«Birlik, tilektestik, ózara qoldaý qaǵıdattary – memlekettik saıasatymyzdyń ajyramas bóligi, barlyq jetistikterimizdiń myzǵymas negizi. Jurtymyz bir-birine qurmet kórsetip, senim men janashyrlyq tanyta otyryp, ádildik jáne ósip-órkendeý jolynda alǵa qaraı nyq qadam jasaı beredi. Pravoslav azamattarǵa jáne barsha halqymyzǵa shyn júrekten zor densaýlyq, tolaǵaı tabys tileımin! Ár úı qut-berekege tolsyn!», – delingen quttyqtaý mátininde.