Keıbír azamattar osy vaktsınany qabyldaǵysy keletín shyǵar.
Prezıdent Qasym-Jomart Toqaev qazaqstandyqtarǵa Pfizer vaktsınasyn qoljetímdí etudí tapsyrdy, dep habarlaıdy Almaty-akshamy.kz QazAqparat caıtyna sílteme jasap.
«Aınalymǵa ózímíz daıyndaǵan QazVac preparatymen bírge bírneshe vaktsına tústí. Elderdíń kóbínde mūndaı múmkíndík álí joq. Bíraq qoljetímdí vaktsınalardyń jıyntyǵyn, sonyń íshínde halyqaralyq deńgeıde moıyndalǵan vaktsınalardy keńeıtu qajet. Būl jerde jańa shtamdardyń paıda bolǵanyn, sondaı-aq, preparattardyń baǵa jáne sapalyq ólshemderín eskeru qajet», - dedí Prezıdent Úkímettíń keńeıtílgen otyrysynda.
Memleket basshysy būl turaly byltyr tapsyrma bergenín eske salyp, sol tapsyrmanyń oryndaluyn keshíktírgen adamdarǵa shara qoldanudy tapsyrdy.
«Byltyr men tıístí tapsyrmalar bergen bolatynmyn. Degenmen Pfizer vaktsınasyn belgílengen kompanıyalarǵa jetkízu orta joldan úzíldí. Anyqtama retínde mynany aıta alamyn. Kelísím boıynsha Qazaqstanǵa bıyl mamyr aıynda Pfizer-díń 2 mln dozasy jetuí kerek bolǵan. Úkímet preparatty jetkízudíń úzíluín Pfizer kompanıyasynyń sharttarymen baılanystyryp otyr. Bíraq būl sharttar vaktsına satyp alatyn búkíl elder úshín standartty bolyp esepteledí», - degen Qasym-Jomart Toqaev būl ístí ayaǵyna deıín jetkízu úshín arnaıy Jarlyqqa qol qoyuǵa daıyn ekenín aıtty.
«Juyqta búkíl áreketter algortımí kórsetílgen taǵy bír jańa ūsynys kelíp tústí. Memleket basshysy, Prezıdent tıístí Jarlyqqa qol qoyuy kerek dep otyr. Qajet bolsa, men solaı ísteuge daıynmyn. Úkímet pen Prezıdent ákímshílígíne qalyptasqan jaǵdaıdy anyqtap, atalmysh qajettí preparattyń jetkízíluín keshíktírgen lauazymdy tūlǵalarǵa qatysty shara qoldanudy tapsyramyn. Bíz azamattarǵa qatysty ūsynystarymyzdy ártaraptandyruymyz kerek. Bálkím keıbír azamattar dál osy vaktsınany qabyldaǵysy keletín shyǵar. Sondyqtan mūndaı azamattarǵa múmkíndík beríńízder. Problemany qysqa merzímde sheshíp, Pfizer vaktsınasyn qazaqstandyqtarǵa qoljetímdí etu kerek», - dedí Memleket basshysy.