Qazaqstan Respublıkasynyń Premer-mınıstrí Oljas Bektenovtíń ókímímen Memleket basshysynyń Qazaqstan Halyq Keńesíníń bírínshí sessıyasynda bergen tapsyrmalaryn júzege asyru ayasynda avtojol salasyn reformalau jóníndegí jūmys toby qūryldy.
Jūmys tobyna jol qūrylysynyń qoldanystaǵy júıesí men onyń sapasyn baǵalau tásílderín qaıta qarau, standarttar men qūrylys normalaryn jańartu míndetí júkteldí. Salany basqarudyń jańa tetígí, onyń íshínde tsıfrlyq sheshímderdí de eskere otyryp, jol ınfraqūrylymyn jaqsartuǵa, memlekettík qarajatty paıdalanudyń tıímdílígí men ashyqtyǵyn arttyruǵa baǵyttalady.
Premer-mınıstrdíń bírínshí orynbasary basqaratyn jūmys tobyna kólík, ónerkásíp jáne qūrylys, qarjy, íshkí íster, ekologıya jáne tabıǵı resurstar, energetıka mınıstrlíkteríníń basshylyǵy, Bas kólík prokurorynyń orynbasary, «QazMūnaıGaz» ŪK» AQ, «QazAvtoJol» ŪK» AQ, «Jol aktıvterí sapasynyń ūlttyq ortalyǵy» RMK, «QazjolǴZI» AQ, «Memsaraptama» RMK, «QazQSǴZI» AQ ókílderí, sondaı-aq sala sarapshylary men Qūryltaı deputattary kírdí.
Premer-mınıstr osy jyldyń 1 jeltoqsanyna deıín avtojol salasyn túbegeılí reformalau boıynsha, onyń íshínde zańnamalyq sharalardy qamtıtyn ūsynystar ázírleudí tapsyrdy.