Almaty ákímí Darhan Satybaldy Vetnamnyń ROX Group írí ınvestıtsıyalyq tobyna kíretín ROX Living Global developerlík kompanıyanyń ókílderímen kezdestí, – dep habarlaıdy aqshamnews.kz tílshísí.
Kezdesude Almaty Downtown jańa ískerlík audanyn damytuǵa ROX Group kompanıyasynyń qatysu múmkíndíkterí qarastyryldy.
Kezdesu barysynda ROX Living Global kompanıyasynyń bas dırektory Chan Thı Mı Lok bastaǵan delegatsıya tūrǵyn úı jáne kommertsıyalyq jyljymaıtyn múlík nysandaryn qamtıtyn kópfunktsıonaldy keshen salu jóníndegí ūsynysyn tanystyrdy.
Joba tūjyrymdamasy tūrǵyn úılermen qatar keńselerdí, sauda oryndaryn, bílím beru jáne medıtsınalyq mekemelerdí, sport nysandary men qoǵamdyq keńístíkterdí qamtıdy. Sondaı-aq, aumaqty kógaldandyruǵa, júrgínshílerge qolaıly orta qalyptastyruǵa jáne qoǵamdyq keńístíkterdí kórkeıtuge basymdyq berílgen.
Darhan Satybaldy Almatynyń damudyń polıortalyq úlgísíne kóshíp jatqanyn, sonyń ayasynda jańa ískerlík ortalyqtar qalyptasatynyn atap óttí. Solardyń bírí Almaty Downtown bolmaq.
«Kópfunktsıonaldy keshen salu jóníndegí bastamańyzdy qoldaımyz. Óz tarapymyzdan ákímdík jobany júzege asyruǵa jan-jaqty qoldau kórsetedí. Jobany ís júzínde íske asyru kezeńíne múmkíndígínshe tezírek kóshedí dep senemíz», – dedí Almaty ákímí.
1996 jyly qūrylǵan ROX Group jyljymaıtyn múlík, qarjy, energetıka jáne qonaq úı bıznesí salalarynda jūmys ísteıdí. Toptyń ınvestıtsıyalyq portfelínde álemníń 12 elíndegí 100-den astam joba bar. Kompanıyanyń Ortalyq Azıyadaǵy írí jobalarynyń bírí Bíshkek qalasynda júzege asyrylyp jatyr.